స్టార్స్ లో గొప్ప డ్యాన్సర్ ఎవరంటే ఎక్కువమంది టక్కున చెప్పే పేరు.. మెగాస్టార్ చిరంజీవి(Chiranjeevi). అలాంటిది హీరోయిన్ కీర్తి సురేష్ మాత్రం.. చిరంజీవి కన్నా విజయ్ డ్యాన్స్ అంటే ఇష్టం అంటూ ఒక ఇంటర్వ్యూలో చెప్పుకొచ్చింది. దీంతో కీర్తి సురేష్ తీరుని తెలుగు సినీ అభిమానులు తప్పుబట్టారు. ముఖ్యంగా మెగా ఫ్యాన్స్ ఆమెపై తీవ్రస్థాయిలో మండిపడ్డారు. అయితే, తాజాగా ఈ వివాదంపై కీర్తి స్పందించింది. అంతేకాదు, ఇప్పటికీ ఆమె తన కామెంట్స్ ని సమర్ధించుకోవడం విశేషం. (Keerthy Suresh)

కీర్తి సురేష్ నటించిన 'రివాల్వర్ రీటా'(Revolver Rita) మూవీ నవంబర్ 28న థియేటర్లలో అడుగుపెట్టనుంది. ఈ మూవీ ప్రమోషన్స్ లో భాగంగా తాజాగా టీమ్ ప్రెస్ మీట్ నిర్వహించగా.. మీడియా నుండి 'చిరంజీవి కంటే విజయ్ గొప్ప డ్యాన్సర్ అనడం ఎంతవరకు కరెక్ట్?' అనే ప్రశ్న ఎదురైంది. దీనికి కీర్తి ఊహించని సమాధానం ఇచ్చింది.

"చిరంజీవి గారు లెజెండ్. ఇండియాలో బిగ్గెస్ట్ స్టార్స్ లో ఆయన ఒకరు. చిరంజీవి గారిని నేనెంతో గౌరవిస్తాను. అయితే నేను విజయ్ గారికి వీరాభిమానిని అనే విషయం చిరంజీవి గారికి కూడా తెలుసు. ఫేవరెట్ యాక్టర్, ఫేవరెట్ డ్యాన్సర్ ఎవరని మేము సరదాగా మాట్లాడుకున్నప్పుడు కూడా.. నేను విజయ్ గారి పేరే చెప్పాను. దానిని చిరంజీవి గారు చాలా స్పోర్టివ్ గా తీసుకున్నారు. పైగా, నేను నిజాయితీగా చెప్పానని ప్రశంసించారు కూడా. విజయ్ గారి మీద ఉన్న అభిమానంతోనే ఆయన పేరు చెప్పాను. అది నా వ్యక్తిగత అభిప్రాయం. ఈ విషయంలో చిరంజీవి గారి అభిమానులను బాధపెట్టి ఉంటే క్షమించండి" అని కీర్తి చెప్పుకొచ్చింది.

Also Read: 'ఆంధ్ర కింగ్ తాలూకా' ఫస్ట్ రివ్యూ!