ఘనంగా జరిగిన రామ్ "కందిరీగ" ఆడియో రిలీజ్. వివరాల్లోకి వెళితే శ్రీ సాయి గణేష్ ప్రొడక్షన్స్ పతాకంపై, చురుకైన యువ హీరో రామ్  హీరోగా, హన్సిక మోత్వాని హీరోయిన్ గా, సంతోష్ శ్రీనివాస్ ని దర్శకుడిగా పరిచయం చేస్తూ, ప్రముఖ నిర్మాత బెల్లంకొండ సురేష్ నిర్మిస్తున్న చిత్రం"కందిరీగ".ఈ "కందిరీగ" చిత్రం ఆడియో జూలై 14 వ తేదీ సాయంత్రం, హైదరాబాద్ తాజ్ డక్కన్ హోటల్లో, విక్టరీ వెంకటేష్ చేతుల మీదుగా తొలి సి.డి.ని ప్రముఖ దర్శకులు వి.వి.వినాయక్ అందుకోగా, ఆదిత్య మ్యూజిక్ ద్వారా మార్కెట్లోకి విడుదల చేయబడింది.

రామ్ "కందిరీగ" చిత్రంలో హన్సిక మోత్వానీ హీరోయిన్‍ గా నటిస్తూండగా,కలర్స్ స్వాతి ఒక ప్రత్యేక పాత్రలో నటిస్తూందట. అలాగే ప్రముఖహీరోయిన్ శ్రియశరణ్, రామ్ "కందిరీగ" చిత్రంలో ఒక ఐటమ్ సాంగ్ లో నటిస్తూందట. ఈ రామ్ "కందిరీగ" ఆడియో రిలీజ్ కి హీరో గోపీచంద్ వంటి పలువురు సినీ ప్రముఖులు హాజరై, ఈ చిత్రం యూనిట్ కు శుభాభినందనలు తెలియ జేశారు.