English | Telugu
దటీజ్ సూపర్ స్టార్.. రెండో రోజూ జోరు తగ్గని 'జైలర్'.. అర్థమైందా రాజా.. !
Updated : Aug 12, 2023
బాక్సాఫీస్ కి సరికొత్త ఊపు తీసుకొచ్చే ఇండియన్ స్టార్స్ లో రజినీకాంత్ ఒకరు. యావరేజ్ అనే టాక్ వచ్చినా చాలు.. వసూళ్ళని ఎక్కడికో తీసుకెళ్ళగల సత్తా సూపర్ స్టార్ సొంతం. అందుకు తాజా నిదర్శనం.. 'జైలర్'. గురువారం (ఆగస్టు 10) జనం ముందు నిలిచిన 'జైలర్'.. ప్రపంచవ్యాప్తంగా కలెక్షన్ల వర్షం కురిపిస్తోంది. తొలి రోజు వరల్డ్ వైడ్ రూ.91.20 కోట్ల గ్రాస్ (రూ.44.75 కోట్ల షేర్) వసూలు రాబట్టిన 'జైలర్'.. రెండో రోజు కూడా హవా చాటింది. ప్రపంచవ్యాప్తంగా.. సెకండ్ డే రూ. 53 కోట్ల వరకు గ్రాస్ చూసింది. షేర్ విషయానికి వస్తే.. రూ. 26.10 కోట్ల వరకు ఆర్జించింది. ఇక రెండు రోజులు కలిపి రూ. 144 కోట్ల గ్రాస్ (రూ. 70.85 కోట్ల షేర్) చూసింది. శని, ఆదివారాల్లోనూ అలాగే పంద్రాగస్టు రోజున మంచి వసూళ్ళు రాబట్టగలిగితే గనుకరూ. 124 కోట్ల షేర్ టార్గెట్ తో బరిలోకి దిగిన 'జైలర్'.. బ్రేక్ ఈవెన్ చేరుకోవడం పెద్ద కష్టమేమి కాకపోవచ్చు.
ప్రపంచవ్యాప్తంగా 'జైలర్' రెండు రోజుల కలెక్షన్స్ వివరాలు:
తమిళనాడు – రూ. 39.30 కోట్ల షేర్
తెలుగు రాష్ట్రాలు - రూ. 17.25 కోట్ల షేర్ (తమిళ వెర్షన్ తో కలిపి)
కర్ణాటక- రూ. 17.05 కోట్ల షేర్
కేరళ – రూ. 9.65 కోట్ల షేర్
రెస్టాఫ్ ఇండియా – రూ.3.95 కోట్ల షేర్
ఓవర్సీస్ – రూ. 56.80 కోట్ల షేర్
ప్రపంచవ్యాప్తంగా మొత్తం కలెక్షన్స్ – రూ. 144 కోట్ల గ్రాస్ (రూ. 70.85కోట్ల షేర్)