రవితేజ, పూరీల "ఇడియట్-2" త్వరలో ప్రారంభం కానుందట. వివరాల్లోకి వెళితే గతంలో రవితేజను హీరోగా నిలబెట్టిన సినిమా "ఇడియట్". ఈ చిత్రం కోసం పూరీ జగన్నాథ్, రవితేజ చాలా కష్టపడ్డారు. "ఇడియట్" సినిమాకి పూరీ జగన్నాథ్ మాటలు, స్క్రీన్ ప్లే, దర్శకత్వం ఆ సినిమాని సూపర్ హిట్ చేయటం లోనూ, హీరో రవితేజని స్టార్ హీరోని చేసి సినీపరిశ్రమలో ఒక కమర్షియల్ హీరోగా నిలదొక్కుకునేలా చేయటంలోనూ ఎంతో దోహదపడ్డాయి.

ఈ "ఇడియట్" సినిమాలో రక్షిత హీరోయిన్ గా నటించింది. ఈ "ఇడియట్" సినిమాకి సంగీత దర్శకుడు చక్రి అందించిన సంగీతం సినిమా సూపర్ హిట్టవటానికి దోహదపడింది. అమతే కాకుండా "ఇడియట్" సినిమాతో రవితేజ ఒక మాస్ స్టార్ హీరోగా ప్రేక్షకుల్లో ఇమేజ్ ని సంపాదించుకున్నాడు. అలాంటి రవితేజ, పూరీ జగన్నాథ్ ల కాంబినేషన్ లో "ఇడియట్-2" రానుందని విశ్వసనీయ వర్గాల ద్వారా అందిన సమాచారం.