English | Telugu
'బాహుబలి-2' ప్లేస్ కి ఎసరు!
Updated : Aug 27, 2023
బాలీవుడ్ చిత్రాలకు కూడా సాధ్యంకాని విధంగా హిందీ వెర్షన్ పరంగా రూ.500 కోట్ల నెట్ మార్క్ ని అందుకున్న మొదటి చిత్రంగా 'బాహుబలి-2' అరుదైన ఘనతను సాధించింది. 2017 లో విడుదలైన 'బాహుబలి-2' రూ.511 కోట్ల నెట్ కలెక్షన్స్ తో టాప్ లో నిలవగా, ఆ రికార్డు బ్రేక్ అవ్వడానికి ఏకంగా ఆరేళ్ళు పట్టింది. ఈ ఏడాది జనవరిలో విడుదలైన 'పఠాన్' రూ.543 కోట్ల నెట్ వసూళ్లతో టాప్ ప్లేస్ లోకి రావడంతో.. 'బాహుబలి-2' రెండో ప్లేస్ కి పడిపోయింది. అయితే రెండో స్థానానికి కూడా ఎసరు పడేలా ఉంది.
సన్నీ డియోల్ నటించిన బాలీవుడ్ ఫిల్మ్ 'గదర్-2' ఆగస్టు 11న విడుదలై సంచలన వసూళ్లతో దూసుకుపోతోంది. 16 రోజుల్లోనే రూ.440 కోట్ల నెట్ వసూలు చేయడంతో.. దంగల్(రూ.387 కోట్ల నెట్), కేజీఎఫ్-2(రూ.435 కోట్ల నెట్) చిత్రాలను దాటేసి మూడో స్థానంలో నిలిచింది. 'గదర్-2' జోరు చూస్తుంటే త్వరలోనే రూ.500 కోట్ల క్లబ్ లో చేరి, 'బాహుబలి-2'ని కూడా దాటేసి రెండో స్థానానికి చేరేలా ఉంది. మరి ఫుల్ రన్ లో 'గదర్-2' ఎన్ని కోట్ల నెట్ వసూలు చేస్తుందో చూడాలి.