English | Telugu
బరిలో 5 సినిమాలు.. ఈ సారి సంక్రాంతి మాములుగా ఉండదన్నమాట!
Updated : Aug 29, 2023
సంక్రాంతి సీజన్ లో రిలీజయ్యే సినిమాల సందడే వేరు. పోటీ మీద వచ్చే సినిమాల్లో కంటెంట్ ఏ మాత్రం బాగున్నా.. రిజల్ట్ కూడా నెక్స్ట్ లెవల్ లో ఉంటుంది. ఈ విషయం చాలా సార్లు నిరూపితమైంది కూడా. 2006 సంవత్సరంలో అయితే 'లక్ష్మి', 'దేవదాసు', 'స్టైల్' ఇలా మూడు సంక్రాంతి హిట్స్ చూసిన వైనం ఉంది. అలాగే, 2017లోనూ 'ఖైదీ నంబర్ 150', 'గౌతమీపుత్ర శాతకర్ణి', 'శతమానం భవతి' వంటి 3 సక్సెస్ ఫుల్ మూవీస్ ని సైతం చూశాం. సో.. సంక్రాంతి సీజన్ కి సరైన సినిమాలు పడితే సక్సెస్ పక్కా అన్నది చరిత్ర చెబుతున్న మాట.
ఇదిలా ఉంటే, 2024లోనూ సంక్రాంతి సినిమాల సందడి బాగానే కనిపించనుంది. ఇప్పటివరకైతే.. ఈ సీజన్ ని ఐదు ఆసక్తికరమైన సినిమాలు టార్గెట్ చేసుకున్నాయి. కింగ్ నాగార్జున నుంచి 'నా సామి రంగ', సూపర్ స్టార్ మహేశ్ బాబు నుంచి 'గుంటూరు కారం', మాస్ మహారాజా రవితేజ నుంచి 'ఈగల్' ముగ్గుల పండక్కి మురిపించనున్నాయి. అలాగే ప్రశాంత్ వర్మ దర్శకత్వంలో తేజ సజ్జ నటించిన 'హనుమాన్' కూడా సంక్రాంతిసీజన్ ని టార్గెట్ చేసుకుంది. యూత్ ఐకాన్ విజయ్ దేవరకొండతో పరశురామ్ తెరకెక్కిస్తున్న సినిమా కూడా ఇదే సీజన్ లో ఎంటర్టైన్ చేయనుంది. మరి.. వీటిలో చివరాఖరికి ఏయే చిత్రాలు బరిలో ఉంటాయో చూడాలి. అలాగే, ఏయే సినిమాలు సక్సెస్ చూస్తాయన్నది కూడా ఆసక్తికరమే.