మహేష్ బాబు "దూకుడు" షూటింగ్ పూర్తి అయ్యిందని సమాచారం. వివరాల్లోకి వెళితే 14 రీల్స్ ఎంటర్ టైన్ మెంట్స్ పతాకంపై, ప్రిన్స్ మహేష్ బాబు హీరోగా, సమంత హీరోయిన్ గా, శ్రీను వైట్ల దర్శకత్వంలో, ఆచంట రామ్, ఆచంట గోపి, అనీల్ సుంకర నిర్మిస్తున్న చిత్రం"దూకుడు". మహేష్ బాబు "దూకుడు" చిత్రం ఇటీవల రామోజీ ఫిలిం సిటీలో షూటింగ్ పూర్తి చేసుకుంది.

త్వరలో మహేష్ బాబు "దూకుడు" చిత్రం యూనిట్ ఈ చిత్రంలోని రెండు పాటల కోసం, కొన్ని కీలక సన్నివేశాలను చిత్రీకరించటం కోసం స్విట్జర్ల్యాండ్ దేశానికి పయనం కానుంది. ఈ చిత్రంలో హీరో మహేష్ బాబు పోలీస్ ఆఫీసర్ గా, అది కూడా అండర్ కవర్ కాప్ గా నటిస్తున్నారట. గతంలో పూరీ జగన్నాథ్ దర్శకత్వంలో, మహేష్ బాబు హీరోగా నటించిన బ్లాక్ బస్టర్ హిట్ "పోకిరి"చిత్రంలో కూడా మహేష్ బాబు అండర్ కవర్‍ కాప్ గానే నటించారు. మరి మహేష్ బాబు "దూకుడు" చిత్రం కూడా "పోకిరి" చిత్రంలా తెలుగు సినిమా చరిత్రను తిరగరాస్తుందేమో వేచి చూడాలి.