English | Telugu
దేవిశ్రీ ఫింగర్కి ‘పులి’ రింగు...
Updated : Jan 17, 2015
సంగీత దర్శకుడు దేవిశ్రీ ప్రసాద్ ఇటు తెలుగుతోపాటు అటు తమిళ్ సినిమాల్లో కూడా మ్యూజిక్ వాయించేస్తున్నాడు. ఈ చేత్తో తెలుగు, ఆ చేత్తో తమిళ్ సినిమాలకు మ్యూజిక్ ఇచ్చేస్తూ బిజీ బిజీగా వున్నాడు. సమకాలీన యువ సంగీత దర్శకులలో దేవిశ్రీ ప్రసాద్ అగ్రపథంలో కొనసాగుతున్నాడు. ఇప్పుడు దేవిశ్రీ తమిళంలో విజయ్ హీరోగా నటిస్తున్న ఓ సినిమాకి సంగీతం ఇచ్చాడు. శింబుదేవన్ దర్శకత్వంలో రూపొందుతున్న ఆ సినిమా పేరు ‘పులి’. ఈ సినిమా తెలుగులో కూడా రాబోతోంది. తెలుగు టైటిల్ ఇంకా కన్ఫమ్ చేయలేదు. ఇది సైంటిఫిక్ ఫాంటసీ సినిమా అని తెలుస్తోంది. ఈ సినిమాకి దేవిశ్రీ ప్రసాద్ అందించిన సంగీతం విని నిర్మాతలు పి.టి.సెల్వకుమార్, శిబు ఫ్లాటైపోయారట. సూపర్ సంగీతం ఇచ్చావంటూ అభినందనలతో సరిపెట్టకుండా ఒక ఉంగరాన్ని కూడా ఇచ్చి తమ సంతోషాన్ని వ్యక్తం చేశారట. తనకు ఆ ఉంగరం ఎంతో నచ్చేసిందని, ఇక తన వేలికి ఆ ఉంగరం పెట్టుకునే వుంటానని దేవిశ్రీ ప్రసాద్ అంటున్నట్టు తెలుస్తోంది. ఈ సినిమా సంగీతం విడుదలయ్యాక వింటే మనకీ తెలుస్తుంది... ఆ మ్యూజిక్కి ఉంగరం ఎందుకు గిఫ్ట్గా ఇచ్చారో...