కలెక్షన్ కింగ్ సంచలన వ్యాఖ్యలు చేశారు. వివరాల్లోకి వెళితే అలనాటి మేటి నటుడు స్వర్గీయ పద్మశ్రీ చిత్తూరు.వి.నాగయ్య గారి పేరు మీద ఇచ్చే చిత్తూరు నాగయ్య స్మారక అవార్డు ఫంక్షన్ ఇటీవల చెన్నైలో జరిగింది. కలెక్షన్ కింగ్, పద్మశ్రీ, డాక్టర్ మోహన్ బాబుకీ, సీనియర్ నటి అంజలీ దేవికీ ఈ అవార్డులు లభించాయి. ఈ సందర్భంగా మోహన్ బాబు ప్రసంగిస్తూ " నాకు గవర్నమెంటు ఇచ్చే అవార్డుల మీద సదభిప్రాయం లేదు. లాబీయింగ్ చేస్తేనో, రికమెండేషన్ ఉంటేనో, డబ్బిలిస్తేనో అవి వస్తాయని గతంలో చెప్పానూ, ఇప్పటికీ అదే చెపుతాను. నేను ఏనాడూ ఎవర్నీ రికమెండ్ చేయమని అడగలేదు. అమ్మ (అంజలీదేవి)కు పద్మశ్రీ కాదు...ఆమె తెలుగు సినీ పరిశ్రమకు చేసిన సేవలకు గాను "పద్మవిభూషణ్" అవార్డునివ్వాలి" అని అన్నారు.

అంజలీ దేవికి శాలువాకప్పి ఆమెకు పాద నమస్కారం చేసి, సీనియర్ నటీ, నటులకు తాను ఎంతగౌరవం ఇస్తారో, ప్రపంచానికి చెప్పకనే చెప్పారు కలేక్షన్ కింగ్ మోహన్ బాబు. ఇది ఇప్పుడున్న నేటి తరం నటీనటుల్లో ఎంతమంది అలా తమ సీనియర్లను గౌరవించగలిగే సంస్కారవంతులున్నారు చెప్పండి......