యు.యస్.లో "బిజినెస్ మ్యాన్" 120 ప్రింట్స్ తో విడుదల కానుంది. వివరాల్లోకి వెళితే ఆర్ ఆర్ మూవీ మేకర్స్ పతాకంపై, ప్రిన్స్ మహేష్ బాబు హీరోగా కాజల్ అగర్వాల్ హీరోయిన్ గా, డైనమిక్ డైరెక్టర్ పూరీ జగన్నాథ్ దర్శకత్వంలో, డాక్టర్ వెంకట్ నిర్మిస్తున్న విభిన్నకథా చిత్రం"బిజినెస్ మ్యాన్". ఈ "బిజినెస్ మ్యాన్" చిత్రానికి తమన్ సంగీతాన్నందించారు. ఇటీవల విడుదలైన ఈ చిత్రం ఆడియోలో, ట్రైలర్స్ కి ప్రేక్షకుల నుండి విశేష స్పందన లభిస్తూంది.

ఈ "బిజినెస్ మ్యాన్" చిత్రాన్ని యు.యస్.లో రికార్డు స్థాయిలో 120 ప్రింట్లతో విడుదల చేయనున్నారు. ఒక్క యల్.ఎ.(లాస్ ఎంజెలెస్)లోనే 16 ప్రింట్లతో ఈ "బిజినెస్ మ్యాన్"చిత్రం విడుదల కానుంది. గతంలో యన్.టి.ఆర్. "ఊసరవెల్లి", పవన్ కళ్యాణ్ "పంజా" చిత్రాలు 100 ప్రింట్లతో యు.యస్.లో విడుదలయ్యాయి. వాటి కంటే ఓ 20 ప్రింట్లు ఎక్కువగా ఈ "బిజినెస్ మ్యాన్" చిత్రం యు.యస్.లో విడుదల కావటం హీరో ప్రిన్స్ మహేష్ బాబు కమర్షియల్ స్టామినాకు, క్యాలిబర్ కూ నిదర్శనంగా చెప్పవచ్చు.