పూరీతో బచ్చన్ మరో సినిమా చేయనున్నారని విశ్వసనీయ వర్గాల ద్వారా అందిన సమాచారం. వివరాల్లోకి వెళితే ఆలిండియా సూపర్ స్టార్ అమితాబ్ బచ్చన్ ప్రథాన పాత్రలో నటిస్తుండగా, టబు, రవీనా టాండన్, హేమా మాలిని, ఛార్మి, సోనూ సూద్, ప్రకాష్ రాజ్, సుబ్బరాజు తదితరులు ముఖ్యపాత్రల్లో నటిస్తూండగా, పూరీ జగన్నాథ్ దర్శకత్వంలో, రామ్ గోపాల వర్మ నిర్మిస్తున్న చిత్రం"బుడ్డా" హోగా తేరా బాప్. ఈ సినిమాలో అమితాబ్ బచ్చన్ యాంగ్రీ ఓల్డ్ మేన్ గా నటిస్తుండగా, సోను సూద్ పోలీస్ ఆఫీసర్ గా నటిస్తున్నారు.

తొలిసారిగా ఛార్మి ఒక బాలీవుడ్ సినిమాలో నటిస్తుంది. తనకు ఏ కథైతే చెప్పాడో అదే కథని చెప్పిన దానికన్నా ఎఫెక్టీవ్ గా తీసి చూపించిన పూరీ జగన్నాథ్ మీద అమితాబ్ బచ్చన్‍ కి బాగా గురి కుదిరింది. అందుకని ఈ సినిమాకి దర్శకుడు పూరీ జగన్నాథ్ పనిచేస్తున్న విధానం నచ్చిన అమితాబ్ బచ్చన్ వెంటనే మరో స్క్రిప్ట్ రెడీ చేసుకోమని పూరీ జగన్నాథ్ తో చెప్పారట. "బుడ్డా" హోగా తేరా బాప్ సినిమా జూలై ఒకటవ తేదీన ప్రేక్షకుల ముందుకు రానుంది.