గతంలో జగపతిబాబు, సాయి కుమార్, ప్రకాష్ రాజ్, సౌందర్య, శారద ప్రథాన పాత్రలు పోషించగా, కృష్ణ వంశీ దర్శకత్వంలో నిర్మించబడిన సూపర్ హిట్ చిత్రం "అంతఃపురం". ఈ చిత్రానికి సీక్వెల్ తీసే ఆలోచనలో కృష్ణ వంశీ ఉన్నారట. ఆ సీక్వెల్లో హీరోగా ఆది నటించనున్నాడట. "అంతఃపురం" చిత్రం ముగింపులో సాయి కుమార్ చనిపోతే అతని భార్య సౌందర్య పసిబిడ్డను తీసుకుని విదేశాలకు వెళ్ళిపోతుంది.

ఆ బిడ్డ పెద్దవాడై తిరిగి రాయల సీమకు రావటంతో ఈ సీక్వెల్ చిత్రం మొదలవుతుందట. ఈ సీక్వెల్లో యువ హీరో సాయి సొంత కుమారుడైన ఆది హీరోగా నటించనున్నాడట. ఆది గతంలో "ప్రేమ కావాలి" అనే చిత్రంలో హీరోగా నటించాడు. ప్రస్తుతం బి.జయ దర్శకత్వంలో, బి.ఎ.రాజు నిర్మిస్తున్న "లవ్లీ" చిత్రంలో హీరోగా నటిస్తున్నాడు.