కోకా కోలాకి అల్లు అర్జున్ యాడ్ చేస్తున్నాడట. వివరాల్లోకి వెళితే స్టైలిష్ స్టార్ గా పేరొందిన తెలుగు యువ హీరో అల్లు అర్జున్ ప్రముఖ కూల్ డ్రింక్ కంపెనీ కోకాకోలా కంపెనీకి ఒక యాడ్ ఫిల్మ్ లో నటించటానికి వొప్పందం కుదుర్చుకున్నాడట. కోకాకోలా కంపెనీకి చేస్తున్న యాడ్ ఫిలిం కోసం అల్లు అర్జున్ డిమాండ్ చేసిన మొత్తం రెండు కోట్ల రూపాలయట. గతంలో కోకాకోలా కంపెనీ ప్రొడక్టే అయిన 7 అప్ అనే కూల్ డ్రింక్ యాడ్ లో నటించారు అల్లు అర్జున్.

ఈ యాడ్ ఫిలింకి దర్శకుడుగా ప్రముఖ సినిమాటోగ్రాఫర్ కమ్ డైరెక్టర్ రాజీవ్ మీనన్ ని నియమించారట. రాజీవ్ మీనన్ గతంలో "ముంబాయి", "గురు"వంటి హిట్‍ చిత్రాలకు దర్శకత్వం వహిమచారు. అంతేకాక రాజీవ్ మీనన్ గతంలో ఎ.ఆర్.రెహమాన్ తో ఎయిర్ టెల్, టైటాన్, కాల్గేట్, రేమాండ్స్ వంటి అనేక కమర్షియల్ యాడ్లకు దర్శకత్వం వహించారు. ఈ యాడ్ తో ఆంధ్రప్రదేశ్ లోని రురల్ ఏరియాల్లోకి కూడా చొచ్చుకు పోవాలనేది కోకాకోలా బిజినెస్ స్ట్రేటజీగా తెలిస్తూంది.