"గబ్బర్ సింగ్" సాంబగా ఆలీ నటించనున్నారు. వివరాల్లోకి వెళితే పరమేశ్వర ఆర్ట్స్ పతాకంపై, పవర్ స్టార్ పవన్ కళ్యాణ్ హీరోగా, శృతి హాసన్ హీరోయిన్ గా, హరీష్ శంకర్ దర్శకత్వంలో, బండ్ల గణేష్ నిర్మిస్తున్న చిత్రం "గబ్బర్ సింగ్". ఈ గబ్బర్ సింగ్ చిత్రంలో పవన్ కళ్యాణ్ కి అసిస్టెంట్ గా ప్రముఖ హాస్యనటులు ఆలీ నటించనున్నారని తెలిసింది. "షోలే" చిత్రంలో గబ్బర్ సింగ్ అనుచరుడు "సాంబ" లాగా ఆలీ ఈ చిత్రంలో నటిస్తారన్నమాట.

ఇటీవల కోకాపేటలో పవన్ కళ్యాణ్, శృతిహాసన్, ఆలీ పై కొన్ని ముఖ్యమైన సన్నివేశాలను చిత్రీకరించారు. ఫిబ్రవరి 5 నుండి 26 వరకూ రామోజీ ఫిలిం సిటీలో ప్రత్యేకంగా వేసిన సెట్ లో ఈ చిత్రం తాలూకు స్కెడ్యూల్ షూటింగ్ జరుపుతారు. అనంతరం ప్యారిస్ లో హీరో, హీరోయిన్లపై రెండు డ్యూయెట్లను చిత్రీకరిస్తారు.