English | Telugu
హీరోయిన్ తేలుతుందా?
Updated : Jan 17, 2015
హీరోయిన్ తేలుతుందా అంటే ఎవరో హీరోయిన్ మునిగిపోయిందని అనుకోవద్దు ప్లీజ్. హీరోయిన్ తేలడం అంటే.. అఖిల్ హీరోగా నటిస్తున్న సినిమా హీరోయిన్ ఎవరు అనే విషయం ఎప్పుడు తేలుతుందా అనేది కవి హృదయం. అఖిల్ హీరోగా, వినాయక్ డైరెక్షన్లో భారీ బడ్జెట్తో హీరో నితిన్ నిర్మిస్తున్న భారీ సినిమా షూటింగ్ ఈమధ్య లాంఛనంగా ప్రారంభమైన విషయం తెలిసిందే. ముహూర్తం బాగుందని షూటింగ్ మొదలెట్టేశారు. అయితే ఈ సినిమాలో అఖిల్ సరసన యాక్ట్ చేసే హీరోయిన్ ఎవరన్న విషయం మాత్రం ఇంతవరకు కన్ఫమ్ కాలేదట. అందుకే కొబ్బరికాయ కొట్టి చాలా రోజులైనా ఇంతవరకు క్లాప్ కొట్టలేదట. అఖిల్ పక్కన హీరోయిన్ అంటే ఆషామాషీగా, సాదాసీదాగా వుంటే కుదురుతుందా.. కుదరదు గాక కుదరదు. అందంలో అఖిల్తో పోటీ పడే విధంగా వుండాలి. అలాంటి హీరోయిన్ కోసమే దర్శకుడు వినాయక్ భూతద్దం పట్టుకుని వెతుకుతున్నా ఇప్పటి వరకూ ఆ అన్వేషణ ఓ కొలిక్కి వచ్చినట్టు అనిపించడం లేదట. ఇప్పటి వరకూ అలియాభట్, సునీల్ శెట్టి కూతురు ఆద్య, శ్రీదేవి కూతురు జాన్వీ, రాశీఖన్నా, అమిరా దస్తర్... ఇలా చాలామంది ముద్దుగుమ్మల గురించి ఆలోచించారట. ఆద్యతో అయితే ఫొటో షూట్ కూడా చేశారట. అయినప్పటికీ అఖిల్ సరసన ఎవరూ అప్ టు మార్క్ అనిపించలేదట. మరి ఈ సినిమా హీరోయిన్ విషయం ఎప్పుడు తేలుతుందో.. ఎప్పుడు రెగ్యులర్ షూటింగ్ మొదలవుతుందో....