English | Telugu
'ఆగడు' సంచలనాలు ఎలా వుండబోతున్నాయ్?
Updated : Sep 18, 2014
మహేష్ బాబు ‘ఆగడు’ సినిమా రేపు ప్రపంచ వ్యాప్తంగా అత్యంత భారీ స్థాయిలో విడుదలకు సిద్దమవుతోంది. శ్రీనువైట్ల దర్శకత్వంలో మహేష్ హీరోగా వచ్చిన ‘దూకుడు’ పెద్ద హిట్ అవడంతో, మళ్ళీ ఆ కాంబినేషన్లో వస్తోన్న ‘ఆగడు’పై అంచనాలు ఇప్పటికే ఆకాశాన్నంటేశాయి. ఈ సినిమాతో మహేష్ ఏ రేంజ్లో సంచలనాలు సృష్టిస్తాడన్నది ప్రస్తుతం ఇండస్ట్రీ హాట్ టాపిక్.
మహేష్ ఇప్పటి వరకూ 60 కోట్ల క్లబ్లో చేరలేదు. అయితే ఇప్పటికే ఖాకీ డ్రస్సులో మహేష్ విసిరిన డైలాగ్ టీజర్ లు రికార్డులు క్రియేట్ చేయడంతో ఈ సినిమా ఈజీగా 60 కోట్ల క్లబ్లో చేరుతుందని సినీ విశ్లేషకులు అంచనా వేస్తున్నారు. ప్రస్తుతం పవన్కళ్యాణ్ హీరోగా వచ్చిన 'అత్తారింటికి దారేది’ వసూళ్ళలో టాప్ ఛెయిర్లో వుంది. మరి దసరా పండుగ కంటే ముందుగ వస్తున్న మహేష్, 'ఆగడు' తో అత్తారింటికి దారేది సినిమా కలెక్షన్లను కూడా దాటి టాలీవుడ్ ఆల్ టైమ్ రికార్డుల్ని తిరగరాస్తాడా? 'ఆగడు' సంచలనాలు ఎలా వుండబోతున్నాయ్? తెలియాలంటే మరి కొన్ని రోజులు ఆగాల్సిందే.