English | Telugu
మారిషస్ లో రవితేజ, తాప్సి వీర
Updated : Apr 25, 2011
మారిషస్ లో రవితేజ, తాప్సి "వీర" చిత్రం షూటింగ్ ముగిసిందని ఫిలిం నగర్ వర్గాల సమాచారం. వివరాల్లోకి వెళితే శాన్వి ప్రొడక్షన్స్ పతాకంపై, మాస్ రాజా రవితేజ హీరోగా, కాజల్ అగర్వాల్, తాప్సి హీరోయిన్లుగా, రమేష్ వర్మ దర్శకత్వంలో, గణేష్ ఇంటూరి నిర్మిస్తున్న చిత్రం "వీర". రవితేజ హీరోగా నటిస్తున్న "వీర" చిత్రం షూటింగ్ ఇటీవల మారిషస్ లో జరిగింది. మారిషస్ లో హీరో రవితేజ, హీరోయిన్ తాప్సిల మీద ఒక డ్యూయెట్ సాంగ్ ని చిత్రీకరించారు. షబీనా ఖాన్ ఈ పాటకు కొరియోగ్రఫీ చేయగా అయిదు రోజుల పాటు ఈ పాటను మారిషస్ లో చిత్రీకరించారు.
మారిషస్ నుండి రాగానే తను నటించబోయే బాలీవుడ్ చిత్రం "చష్మె బద్దూర్" చిత్రం చర్చల కోసం తాప్సి ముంబాయి వెళ్ళింది. త్వరలో "వీర" చిత్రం యూనిట్ యూనిట్ మరో డ్యూయెట్ చిత్రీకరణ కోసం వెళ్ళనుంది. ఈసారి హీరో రవితేజతో పాటు హీరోయిన్ గా కాజల్ అగర్వాల్ ఈ డ్యూయెట్ లో ఆడి పాడబోతోంది. ఇక్కడ ఒక విషయాన్ని అనవసరమైనా చెప్పాలి. "మిస్టర్ పర్ ఫెక్ట్ చిత్రం తర్వాత కాజల్ అగర్వాల్, తాప్సి కలసి నటిస్తున్న రెండవ చిత్రం మాస్ రాజా రవితేజ హీరోగా నటిస్తున్న "వీర". "వీర" చిత్రం మే నెలలో ప్రేక్షకుల ముందుకు రానుంది.