English | Telugu
వి.యన్.ఆదిత్య దర్శకత్వంలో మళ్ళీ రిమాసేన్
Updated : Apr 28, 2011
వి.యన్.ఆదిత్య దర్శకత్వంలో మళ్ళీ రిమాసేన్ హీరోయిన్ గా నటించబోతోందని ఫిలిం నగర్ వర్గాల ద్వారా అందిన సమాచారం. వివరాల్లోకి వెళితే గతంలో సుమంత్ ఆర్ట్స్ ప్రొడక్షన్స్ పతాకంపై, ఉదయ్ కిరణ్ హీరోగా, రీమాసేన్ హీరోయిన్ గా, వి.యన్.ఆదిత్య దర్శకత్వంలో, సుమారు ఓ పదేళ్ళ క్రితం యమ్.యస్.రాజు నిర్మించిన "మనసంతా నువ్వే" చిత్రం సూపర్ హిట్టయ్యింది. ఆ చిత్రం దర్శకుడిగా వి.యన్.ఆదిత్యకు ఇదే తొలిచిత్రం కావటం విశేషం.ఆ చిత్రం తర్వాత మళ్ళీ రీమాసేన్ ఇప్పుడొక చిత్రంలో వి.యన్.ఆదిత్య దర్శకత్వంలో నటించబోతూందని తెలిసింది.
ఈ చిత్రాన్ని ఒక ప్రముఖ నిర్మాణ సంస్థ నిర్మించబోతూందని సమాచారం. ఈ చిత్రంలో ఒక ప్రముఖ హీరో నటిస్తారని కూడా ఫిలిం నగర్ వర్గాగాలంటున్నారు. ఈ చిత్రం షుటింగ్ "మే" నేలలో మలేసియాలో షుటింగ్ జరుపుకోనుందని తెలిసింది. జూన్ నుంచి ఈ చిత్రం షుటింగ్ హైదరాబాద్ లోనే జరుగుతుందని తెలిసింది. దర్శకుడు వి.యన్. ఆదిత్య ఇటీవల సుమంత్ హీరోగా నటించిన "రాజ్" చిత్రానికి దర్శకత్వం వహించారు. దానికన్నా ముందు "చుక్కలాంటి అమ్మాయి- చక్కనైన అబ్బాయి" అనే చిత్రానికి దర్శకత్వం వహించారు. కానీ అవి ఒక దర్శకుడిగా ఆయనకు పెద్దగా ఉపయోగపడలేదు. అందుకని ఈ చిత్రం ఎట్టి పరిస్థితుల్లోనైనా సూపర్ హిట్టయ్యే విధంగా దర్శకులు వి.యన్.ఆదిత్య తగు జాగ్రత్తలలు తీసుకున్నారని తెలిసింది.