English | Telugu
180 కి సిద్ధార్థ డబ్బింగ్ పూర్తి
Updated : May 16, 2011
"180" కి సిద్ధార్థ డబ్బింగ్ పూర్తిచేశాడట. వివరాల్లోకి వెళితే సత్యం సినిమా పతాకంపై, సిద్ధార్థ్ హీరోగా, నిత్య మీనన్, ప్రియా ఆనంద్ హీరోయిన్లుగా, కొన్నివందల యాడ్ ఫిల్ములకు దర్శకత్వం వహించిన జయేంద్ర దర్శకత్వంలో నిర్మిస్తున్న విభిన్నకథా చిత్రం"180". ఈ చిత్రం షూటింగ్ దాదాపు పూర్తయింది. ఈ చిత్రం షూటింగ్ యు.యస్., యూరప్, ఆస్ట్రేలియా దేశాల్లో జరిగింది. ఈ 180" సినిమాకు సంబంధించిన డబ్బింగ్ కార్యక్రమాలు మొదలయ్యాయి.
ఈ దిశలో భాగంగా హీరో సిద్ధార్థ ఇటీవల ఈ "180" చిత్రంలోని తన పాత్రకు డబ్బింగ్ చెప్పటం పూర్తిచేశాడట. రేపు గురించి ఆలోచించకుండా నేటి జీవితాన్నే ఎంజాయ్ చేసే నేటితరం యువకుని పాత్రలో సిద్ధార్థ చక్కగా నటించాడట. ఈ "180" చిత్రానికి శరత్ సంగీతాన్నందించారు. వనమాలి ఈ "180" చిత్రంలోని పాటలన్నీ వ్రాయటం విశేషం. ఈ మూవీకి సినిమాటోగ్రఫీని కె.టి.బాలసుబ్రహ్మణ్యం నిర్వహిస్తున్నారు. ఈ "180" సినిమాని ప్రయోగాత్మకంగా "రెడ్" కెమెరాతో చిత్రీకరించారు. ఈ "180" సినిమాకి తమిళంలో "పుదం పుదు కాదలై" అన్న పేరుని నిర్ణయించారు.