అందాల నలక నడుము గోవా భామ ఇలియానా డి క్రూజ్ హాస్పిటల్ పాలైందట. వివరాల్లోకి వెళితే వైవియస్ చౌదరి స్వీయ దర్శకత్వంలో నిర్మించిన "దేవదాసు" చిత్రం ద్వారా తెలుగు సినీ పరిశ్రమలోకి హీరోయిన్ గా ప్రవేశించి, పూరీ జగన్నాథ్ "పోకిరి" సినిమా వల్ల అనతి కాలంలోనే టాప్ హీరోయిన్ స్థాయికి చేరుకుని, ప్రస్తుతం ఒక సినిమాలో నటించటానికి రెండు కోట్ల రూపాయల పారితోషికం తీసుకునే స్థాయికి ఎదిగింది. అలాంటి ఇలియానా ఈ మధ్య యన్ టి ఆర్ తో "శక్తి", రానాతో "నేను-నారాక్షసి" చిత్రాల్లో హీరోయిన్ గా నటించింది.

ఈ రెండు సినిమాల్లో విశ్రాంతి లేకుండా నటించటం వల్ల శారీరకంగా ఇలియానా బాగా అలసిపోయిందట. ఇలియానా అంత కష్టపడి నటించిన ఈ రెండు సినిమాలూ బాక్సాఫీస్ వద్ద సూపర్ ఫ్లాపయ్యాయి. హాస్పిటల్లో చేరిన ఇలియానాకు పూర్తిగా విశ్రాంతి అవసరమని డాక్టర్లు సలహా ఇచ్చారు. ప్రస్తుతం ఇలియానా తమిళంలో శంకర్ దర్శకత్వంలోని " 3 ఇడియట్స్" సినిమాలో నటిస్తూంది. తెలుగులో త్రివిక్రమ్ శ్రీనివాస్ దర్శకత్వంలో, అల్లు అర్జున్ హీరోగా నటించబోయే చిత్రంలో హీరోయిన్ గా నటించటానికి ఇలియానా అంగీకరించింది.