వర్మ తీసేది "రామాయణం" కాదు "26/11" అని విశ్వసనీయ వర్గాల ద్వారా అందిన సమాచారం. వివరాల్లోకి వెళితే ఒకప్పుడు "క్షణ క్షణముల్ జవరాండ్ర చిత్తముల్" అన్నాడో కవి. కానీ నేడు దాన్ని "క్షణ క్షణము వర్మ చిత్తము"గా మార్చాలేమో. ఎందుకంటే ప్రముఖ దర్శక, నిర్మాత రామ్ గోపాల వర్మ ఎప్పుడే సంగతి మాట్లాడతాడో, ఎలా మాట్లాడతాడో...ఏ సినిమా చేస్తానంటాడో...ఏ సినిమా తీస్తాడో ఎవరికీ అర్థం కాదు...( బహుశా ఆఖరికి మాట్లాడే వర్మకి కూడా అనుకుంటాను).

మొన్న రామాయణాన్ని సోషలైజ్ చేసి సినిమా తీస్తానన్నాడు. మళ్ళీ ఇప్పుడు "26/11" వ తేదీన ముంబాయ్ లోని హోటల్లో పాకిస్తాన్ నుండి వచ్చిన అజ్మల్ కసబ్ తదితర ఉగ్రవాదులు చేసిన దాడి నేపథ్యంగా సినిమా తీస్తానంటుడు రామ్ గోపాల వర్మ. వర్మ ఏమైనా అనగలడు...ఏమైనా చేయగలడు...ఎందుకంటే ఆయన రామ్ గోపాల్ వర్మ కదా...!