English | Telugu
"పేరెంట్స్" ఆడియో విడుదల
Updated : Dec 15, 2011
టేక్ వన్ ప్రొడక్షన్స్ పతాకంపై, "హ్యాపీడేస్" వంశీ హీరోగా నటిస్తూ, ఆనంద్ రవిని దర్శకుడిగా పరిచయం చేస్తూ నిర్మిస్తున్న చిత్రం "పేరెంట్స్". ఈ "పేరెంట్స్" చిత్రానికి కె.బాలచంద్రన్ సంగీతాన్నందించారు. డిసెంబర్ 14 వ తేదీన, హైదరాబాద్ ప్రసాద్ ల్యాబ్ లో ప్రముఖ నటి "హ్యాపీడేస్" ఫేం సోనియా చేతుల మీదుగా, హీరో వరుణ్ సందేశ్ తొలి సి.డి.ని అందుకోగా, ఆదిత్య మ్యూజిక్ ద్వారా ఈ చిత్రం ఆడియో మార్కెట్లోకి విడుదల చేయబడింది.
అనంతరం ఈ చిత్రం యూనిట్ మాట్లాడుతూ ఈ చిత్ర నిర్మాణ సమయంలో తమ అనుభవాలను మీడియాతో పంచుకున్నారు. అతిథిలుగా విచ్చేసిన దర్శకులు అడివి సాయికిరణ్, "కర్మ" హీరో, "పంజా" విలన్ అయిన అడివి శేష్, నటుడు రణధీర్, నటి సోనియా తదితరులు ఈ చిత్రం యూనిట్ కు తమ శుభాభినందనలు అందించారు.
ప్రముఖ నిర్మాత దర్శకులు అయిన తమ్మారెడ్డి భరద్వాజ ప్రసంగిస్తూ మంచి సినిమాలు నూటికో కోటికో ఒకటి వస్తాయనీ, ఆ తర్వాత అన్నీ పిచ్చి సినిమాలే వస్తాయనీ, ఈ సినిమా చూడకపోతే ప్రేక్షకులు ఒక మంచి సినిమా చూసే అనుభూతిని కోల్పోతారనీ అన్నారు.