ప్రభాస్ "రెబెల్" చిత్రం ఆర్ ఎఫ్ సి లో షూటింగ్ జరుపుకుంటోంది. వివరాల్లోకి వెళితే గతంలో గోపీచంద్ హీరోగా,"శంఖం" వమటి సినిమాని నిర్మించిన జె.భగవాన్, జె.పుల్లారావులు యంగ్ రెబెల్ స్టార్ ప్రభాస్ హీరోగా, అనుష్క, దీక్షా సేథ్ హీరోయిన్లుగా, కొరియోగ్రాఫర్, యాక్టర్ కమ్ డైరెక్టర్ రాఘవ లారెన్స్ దర్శకత్వంలో నిర్మిస్తున్న చిత్రం "రెబెల్". ప్రభాస్ "రెబెల్" చిత్రం షూటింగ్ "మే" రెండవ తేదీ నుండి రామోజీ ఫిలిం సిటీలో జరుగుతోంది. "బిల్లా" చిత్రం తర్వాత హీరో ప్రభాస్ తో కలసి అనుష్క నటిస్తున్న రెండవ చిత్రం "రెబెల్".

ప్రభాస్ "రెబెల్" చిత్రం ఒక యాక్షన్ బేస్డ్ రొమాంటిక్ ఎంటర్ టైనర్ గా రూపొందనుందట. తన పెదనాన్న సీనియర్ సినీ హీరో అయిన కృష్ణంరాజు గారికి జనం ఇచ్చిన టైటిల్ "రెబెల్ స్టార్". ఈ టైటిల్ లోని "రెబెల్" అన్న పదాన్నే ఈ సినిమాకి పేరుపెట్టి తీయటం విశేషం. ప్రభాస్ "రెబెల్" చిత్రంలో ఇంకా కెల్లీ డోర్జ్, డాక్టర్ బ్రహ్మానందం,ముఖేష్ రిషి తదితరులు నటిస్తున్నారు. ఈ "రెబెల్" చిత్రం పూర్తయ్యాక నవంబర్ లో రాజమౌళి చిత్రంలోని భారీ బడ్జెట్ చిత్రంలో ప్రభాస్ హీరోగా నటించనున్నాడు.