English | Telugu
నాగార్జున రాజన్న తొలి పోస్టర్ విడుదల
Updated : Apr 25, 2011
నాగార్జున రాజన్న తొలి పోస్టర్ విడుదలయ్యింది. వివరాల్లోకి వెళితే సొంత బ్యానర్ అన్నపూర్ణ స్టుడియోస్ పతాకంపై, యువసామ్రాట్, కింగ్ నాగార్జున హీరోగా నటిస్తూ నిర్మిస్తున్న చిత్రం "రాజన్న". ఈ చిత్రానికి ప్రముఖ యువ దర్శకుడు యస్.యస్.రాజమౌళి తండ్రి, ప్రముఖ సినీ కథా రచయిత అయిన వి.విజయేంద్ర ప్రసాద్ దర్శకత్వంలో, అనుష్క హీరోయిన్ గా ఈ చిత్రంలో నటిస్తూంది. రజాకార్లకు వ్యతిరేకంగా తెలంగాణా సాయుధ రైతాంగ పోరాటంలో తిరుగుబాటు చేసి పోరాడిన తెలంగాణా పోరాట యోధుడు రాజన్న చరిత్రే ఈ "రాజన్న" చిత్ర కథాంశం.
ఈ చిత్రానికి దర్శకత్వం విజయేంద్ర ప్రసాద్ వహిస్తున్నా, ఈ "రాజన్న" చిత్రంలోని యాక్షన్ సీన్లను మాత్రం రాజమౌళి నేతృత్వంలో చిత్రీకరిస్తారు. నాగార్జున "రాజన్న" చిత్రానికి యమ్ యమ్ కీరవాణి సంగీతాన్ని అందిస్తున్నారు. నాగార్జున "రాజన్న" చిత్రానికి సెంథిల్ కుమార్ సినిమాటోగ్రఫీని నిర్వహిస్తూండగా, రామ్-లక్ష్మణ్ యాక్షన్ సీన్లను కంపోజ్ చేస్తున్నారు. ఈ చిత్రం షూటింగ్ శరవేగంగా జరుపుకుంటోంది. "రగడ" చిత్రం తర్వాత వస్తున్న నాగార్జున "రాజన్న" చిత్రం మీద ఆయన అభిమానుల్లో భారీ అంచనాలు నెలకొన్నాయి. నాగార్జున "రాజన్న" పోస్టర్ చూస్తుంటే నాగార్జున ఎంత శక్తివంతమైన పాత్రలో ఈ చిత్రంలో నటిస్తున్నారో అర్థమవుతుంది.