రామ్ చరణ్ "రచ్చ" కథ ఇదేనని ఫిలిం నగర్ వర్గాలంటున్నాయి. వివరాల్లోకి వెళితే యువ హీరో మెగాస్టార్ ఏకైక కుమారుడూ, ఆయన నట వారసుడూ అయిన రామ్ చరణ్ తేజ్ హీరోగా, మిల్కీ వైట్ బ్యూటీ తమన్నా హీరోయిన్ గా, " ఏమైంది ఈ వేళ " ఫేం సంపత్ నంది దర్శకత్వంలో, మెగాసూపర్ గుడ్ ఫిలింస్ పతాకంపై, యన్.వి.ప్రసాద్, పరాస్ జైన్ నిర్మిస్తున్న చిత్రం "రచ్చ". ఈ "రచ్చ" చిత్రం త్వరలో ప్రారంభం కానుంది. "రచ్చ" మూవీ కోసమే రామ్ చరణ్ అమెరికాలోని మియామీలో ఒక అంతర్జాతీయ జిమ్ లో ప్రత్యేక శిక్షణపోంది మరీ కండలు పెంచి, ఎయిట్ ప్యాక్ తో తిరిగొస్తున్నారు.

ఈ సినిమా కథ విషయానికొస్తే మంచి నీళ్ళలో ఫ్లోరైడ్ అధిక శాతం ఉండటం వల్ల, తెలంగాణా ప్రాంతాలైన నల్గొండ, మెహబూబ్ నగర్ జిల్లాలలో ప్రజలు ఎంతటి అనారోగ్యానికి గురవుతున్నారో, వారికి మంచి నీళ్ళు అందించటానికి హీరో చేసే రచ్చే ఈ "రచ్చ" చిత్రానికి కథని ఫిలిం నగర్ వర్గాలంటున్నాయి. బహుశా ఇది నిజం కావచ్చు...కాకపోవచ్చు కూడా. ఏదేమైనా "రచ్చ"తో రామ్ చరణ్ త్వరలో రచ్చ రచ్చ చేయటానికి వస్తున్నాడు.