రానా, ఇలియానా "నేను- నా రాక్షసి" ఆడియో రిలీజ్ చేయబడింది. వివరాల్లోకి వెళితే శ్రీ లక్ష్మీ నరసింహ ప్రొడక్షన్స్ పతాకంపై, రానా హీరోగా, ఇలియానా హీరోయిన్ గా, డైనమిక్ డైరెక్టర్ పూరీ జగన్నాథ్ దర్శకత్వంలో, నల్లమలపు శ్రీనివాస్ నిర్మిస్తున్న చిత్రం"నేను- నా రాక్షసి". ఈ చిత్రానికి తెలుగువాడు విశ్వ, బాలీవుడ్ సంగీత దర్శకులు బాపి-టుటుల్, మొహిలే కలసి సంగీతాన్ని అందించారు.

 

రానా, ఇలియానా "నేను- నా రాక్షసి"మూవీ ఆడియో తొలి సి.డి.ని ప్రముఖ దర్శకుడు వి.వి.వినాయక్ ఆవిష్కరించి విక్టరీ వెంకటేష్ కు అందజేయగా ఈ చిత్రం ఆడియో మధుర ఎంటర్ టైన్ మెంట్ ద్వారా మార్కెట్లోకి విడుదల చేయబడింది. ఈ రానా, ఇలియానా "నేను- నా రాక్షసి"మూవీ ఆడియో రిలీజ్ ఫంక్షన్ కు రవితేజ, రీచా గంగోపాథ్యాయ, శేఖర్ కమ్ముల, సునీల్, ఆలీ, సుశాంత్, మంచు లక్ష్మీ ప్రసన్న, మధుర శ్రీధర్ తదితరులు హాజరయ్యారు.

 

అనంతరం హీరో రానా మాట్లాడుతూ తనకు మిట్టమధ్యాహ్నం ఎండలో నిలబెట్టి మరీ దర్శకుడు పూరీ జగన్నాథ్ ఈ కథ చెప్పారనీ, ఇంటికెళ్ళి ఈ కథను తాను ఒక పేపర్ మీద వ్రాసుకున్నాననీ, తనకు ఈ చిత్రం కథ అంతగా నచ్చిందనీ అన్నారు. హీరోయిన్ ఇలియానా ప్రసంగిస్తూ ఈ చిత్రంలోని పాత్ర తన సినీ కెరీర్ లో ఒక మైలురాయిగా నిలిచిపోతుందని అన్నారు.