టి.యస్.ఆర్. టి వి 9 అవార్డ్స్ ఫంక్షన్ ఏప్రెల్ 10 వ తేదీ సాయంత్రం, శిల్పకళావేదికపై ప్రముఖ సినీ తారల సమక్షంలో అత్యంత వైభవంగా జరిగింది. ఈ టి.యస్.ఆర్. టి వి 9 అవార్డ్స్ ఒక్క తెలుగు సినీ ప్రముఖులకే కాకుండా బాలీవుడ్ సినీ ప్రముఖులకు కూడా ఇవ్వటం విశేషం.

 

ఇక ఈ టి.యస్.ఆర్. టి వి 9 అవార్డ్స్ విషయానికొస్తే నటసామ్రాట్, పద్మవిభూషణ్, డాక్టర్ అక్కినేని నాగేశ్వరరావుకి "ప్రైడ్ ఆఫ్ ఇండియా", బాలీవుడ్ సీనియర్ హీరో ధర్మేంద్రకి "బాలీవుడ్ ఎవర్ గ్రీన్ హీరో", శతృఘ్న సిన్హాకి "బాలీవుడ్ డైనమిక్ స్టార్", సుభాష్ ఘై కి "బాలీవుడ్ స్టార్ డైరెక్టర్", డాక్టర్ డి.రామానాయుడికి "సిల్వర్ స్క్రీన్ స్టార్ ప్రొడ్యూసర్", ఉత్తమ హీరో జూనియర్ యన్ టి ఆర్, ఉత్తమ నూతన హీరో రానా, ఉత్తన నూతన కథానాయిక తాప్సి, ఉత్తమ హీరోయిన్ సమంత, ఉత్తమ నటి ప్రియమణి, ఉత్తమ నటుడు నందమూరి బాలకృష్ణ, ఉత్తమ సహాయ నటుడు ప్రకాష్ రాజ్, ఉత్తమ విలన్, సాయికుమార్, సెన్సేషనల్ ఆర్టిస్ట్ రవితేజ, ఉత్తమ దర్శకుడు బోయపాటి శీను, ఉత్తమ గాయని సునీత, సిల్వర్ స్క్రీన్ బెస్ట్ ఆల్ రౌండర్ ఆర్టిస్ట్ డాక్టర్ రాజేంద్ర ప్రసాద్,వీనస్ ఆఫ్ ఇండియన్ సినిమా జయప్రద, సిల్వర్ స్క్రీన్ అవుట్ స్టాండింగ్ ఆర్టిస్ట్ జయసుధ, సిల్వర్ స్క్రీన్ అవుట్ స్టాండింగ్ ఆర్టిస్ట్ డాక్టర్ మోహన్ బాబు, స్టార్ ఆఫ్ మిలీనియమ్ డాక్టర్ చిరంజీవి ఈ టి.యస్.ఆర్. టి వి 9 అవార్డ్స్ లభించాయి.

 

ఈ అవార్డులివ్వటం ఎలా ఉన్నా కళాబంధు టి.సిబ్బిరామిరెడ్డి గారి అవసరానికి మించిన సొద భరించటం ఆహూతులకు తలనొప్పిగా తయారైంది. ఎందుకంటే అక్కడ యాంకర్ గా సుమ ఉండగా, ఆమెను అసలు మాట్లాడనీయకుండా తానే యాంకర్ డ్యూటీ కూడా టి.సిబ్బిరామిరెడ్డి చేయటం అంత బాగాలేదు.