విజయవాడలో నాగార్జున ఉన్నాడట. విజయవాడలో నాగార్జునకు ఏం పని...? నాగార్జున తన కొడుకు నాగచైతన్య నటిస్తున్న "బెజవాడ రౌడీలు" సినిమా షుటింగ్ కూడా ఒకసారి చూసి రావచ్చని విజయవాడ వెళ్ళాడనుకుంటున్నారా...? వివరాల్లోకి వెళితే విజయవాడలో కళ్యాణ్ జ్యూయలర్స్ వారి కొత్త షోరూంని ఆవిష్కరించటానికి యువసామ్రాట్, అక్కినేని నాగర్జున విజయవాడకు వెళ్ళారు. ఎందుకంటే కళ్యాణ్ జ్యూయలర్స్ కంపెనీకి అక్కినేని నాగార్జున బ్రాండ్ అంబాసిడర్ కాబట్టి.

తీరా విజయవాడ వెళ్ళాక అక్కడి మీడియా నాగార్జునను వదులుతుందా...? వదలదు కదా...! వాళ్ళడిగిన ప్రశ్నలకు సమాధానంగా "నేనిప్పుడు రాజన్న అనే స్వాతంత్ర్య సమర యోధుడి కథతో తీస్తున్న "రాజన్న" అనే సినిమాలో నటిస్తున్నాను. "రాజన్న" అక్టోబర్ కి వస్తుంది. ప్రస్తుతం "డమరుకం" చిత్రంలో నటిస్తున్నాను...దీని తర్వాత రాఘవేంద్రరావుగారి దర్శకత్వంలో "షిరిడి సాయిబాబా" చిత్రంలో నటిస్తాను" అని నాగార్జున సమాధానం చెప్పారు.