నేడు నాంపల్లి కోర్టుకు అక్కినేని నాగార్జున (Akkineni Nagarjuna) వెళ్లారు. మంత్రి కొండా సురేఖపై వేసిన పరువునష్టం కేసులో ఆయన కోర్టుకు స్టేట్‌మెంట్‌ ఇచ్చారు. రాజకీయ దురుద్దేశంతోనే మంత్రి అసత్య ఆరోపణలు చేశారు. తమ కుటుంబ పరువుకు భంగం వాటిల్లేలా వ్యాఖ్యలు చేసిన కొండా సురేఖపై క్రిమినల్ చర్యలు తీసుకోవాలి నాగార్జున కోరారు. నాగార్జున వెంట ఆయన సతీమణి అమల, కుమారుడు నాగ చైతన్య తదితరులు ఉన్నారు. 

నాగ చైతన్య, సమంత విడాకులకు కారణం కేటీఆర్ అంటూ కొండా సురేఖ వివాదాస్పద వ్యాఖ్యలు చేసిన సంగతి తెలిసిందే. ఆమె వ్యాఖ్యలను అందరూ తప్పుబట్టారు. కొండా సురేఖ సైతం క్షమాపణలు చెప్పి తన వ్యాఖ్యలను వెనక్కి తీసుకుంటున్నట్లు ప్రకటించింది. అయితే ఆమె చేసినవి దారుణ వ్యాఖ్యలు కావడంతో, ఈ విషయాన్ని సీరియస్ గా తీసుకున్న నాగార్జున కోర్టుని ఆశ్రయించారు.