English | Telugu
చైతన్య-శోభిత పెళ్ళి ముహూర్తం ఖరారు..!
Updated : Nov 4, 2024
అక్కినేని నాగచైతన్య (Naga Chaitanya), శోభిత ధూళిపాళ్ల (Sobhita Dhulipala) నిశ్చితార్థం ఆగస్టులో ఘనంగా జరిగిన సంగతి తెలిసిందే. వీరి నిశ్చితార్థం జరిగి దాదాపు మూడు నెలలు అవుతుంది. దీంతో వీరి వివాహం కోసం అక్కినేని అభిమానులు ఎంతగానో ఎదురుచూస్తున్నారు. అలా ఎదురుచూస్తున్న అభిమానులకు శుభవార్త. చైతన్య-శోభిత పెళ్ళికి ముహూర్తం ఖరారైనట్లు తెలుస్తోంది.
డిసెంబర్ 4న హైదరాబాద్ లో చైతన్య-శోభిత వివాహం జరగనుందట. అక్కినేని కుటుంబానికి చెందిన అన్నపూర్ణ స్టూడియోస్ లో వీరి పెళ్లి కోసం ప్రత్యేకంగా మండపాన్ని నిర్మిస్తున్నారట. బంధువులు, సన్నిహితులతో పాటు సినీ రాజకీయ రంగాలకు చెందిన పలువురు ప్రముఖులు ఈ వేడుకకు హాజరు కానున్నారని సమాచారం.