English | Telugu
మెగాస్టార్ నిర్ణయాన్ని సమర్థిస్తారా...?
Updated : Jun 30, 2011
మెగాస్టార్ నిర్ణయాన్ని సమర్థిస్తారా...? విషయమేమిటంటే గత ముప్పై యేళ్ళుగా ఆంధ్రాప్రేక్షకుల మనసుల్లో సుస్థిర స్థానం ఏర్పరచుకున్న హీరో మెగాస్టార్ చిరంజీవి. సినిమాల్లో ఆయన డ్యాన్స్ లు చూసి ఈలలు వేశారు. ఆయన ఫైట్స్ చూసి చప్పట్లు కొట్టారు. ఆయన డైలాగులకు జయహో అని జయజయ ధ్వానాలు చేశారు. అటువంటి చిరంజీవి ఒక్కసారిగా రాజకీయాల్లోకి వెళ్ళగానే ఆయన్ని అభిమానించే మెగాభిమానులకు సినిమాలు చూడాలన్న ఆసక్తి సన్నగిల్లింది.
కానీ ఆయన కొడుకు రామ్ చరణ్ తేజ హీరోగా సినీ రంగ ప్రవేశం చేయటంతో, మెగాభిమానులకు కొంత ఉపశమనం కలిగింది. కానీ అన్నయ్య 150 వ సినిమా చూడాలనుకునే అభిమానులందరికీ ఇటీవల చిరంజీవి చేసిన ప్రకటన శరాఘాతమలా తగిలింది. మరి "ఇకపై సినిమాల్లో నేను నటించను" అన్న మీరు ఆయన అభిప్రాయంతో ఏకీభవిస్తారా...? లేక చిరంజీవి మళ్ళీ సినిమాల్లోకి రావాలనుకుంటున్నారా...? మీ అభిప్రాయం మాకు తెలియజేయండి.