English | Telugu
శంకర్ బ్రాండ్ కి 30కోట్లు..!
Updated : Sep 9, 2014
సంచలనాలకు కేరాఫ్ అయిన తమిళ దర్శకుడు 'శంకర్' ప్రస్తుతం విక్రమ్ తో కలిసి 'ఐ' అనే భారీ బడ్జెట్ మూవీని రూపొందిస్తున్నాడు. ఈ సినిమా తెలుగు హక్కులకు భారీ మొత్తం ఆశీ౦చడంతో తీసుకోవడానికి నిర్మాతలు ఎవరూ ముందుకు రావడంలేదని గత కొద్ది రోజులుగా మీడియాలో వార్తలు హల్ చల్ చేస్తున్నాయి. ఈ సినిమా తెలుగు హక్కులు కావాలంటే ముప్పయ్ కోట్లు చెల్లించాల్సిందేనని లేకపోతే తానే విడుదల చేసుకుంటానని ఆస్కార్ రవిచంద్రన్ డిసైడ్ కూడా అయ్యారు. అయితే తాజాగా 'ఐ' మనోహరుడు’ హక్కులకి ముప్పయ్ కోట్లు ఇవ్వడానికి మెగా సూపర్గుడ్ ఫిలింస్ సంస్థ ముందుకు వచ్చినట్లు తెలుస్తోంది. హీరో విక్రమ్ కి తెలుగులో అంత మార్కెట్ లేకపోయినా, ఈ సినిమాకి ముప్పయ్ కోట్లు చెల్లించారంటే కారణం కేవలం శంకర్ అని వేరే చెప్పక్కర్లేదు. ఇక సెప్టెంబర్ 15న ‘ఐ’ ఆడియో, అక్టోబర్ 22న సినిమా రిలీజ్ కాబోతున్నాయి.