రామ్ "కందిరీగ" ఆగస్టు 5 న విడుదల కానుందని విశ్వసనీయ వర్గాల ద్వారా అందిన సమాచారం. వివరాల్లోకి వెళితే శ్రీసాయిగణేష్ ప్రొడక్షన్స్ పతాకంపై, చురుకైన యువ హీరో రామ్ హీరోగా, దేశముదురు పాప హన్సిక మోత్వాని హీరోయిన్ గా, సంతోష్ శ్రీనివాస్ ని దర్శకుడిగా పరిచయం చేస్తూ, ప్రముఖ నిర్మాత బెల్లంకొండ సురేష్ నిర్మిస్తున్న విభిన్న కథా చిత్రం "కందిరీగ". మొన్నీమధ్యే ఈ రామ్ "కందిరీగ" చిత్రం యొక్క ఆడియో అత్యంత వైభవంగా విడుదల చేయబడింది.

అయితే రామ్ "కందిరీగ" చిత్రాన్ని ఆగస్టు 5 వ తేదీన విడుదల చేయటానికి ఈ చిత్ర నిర్మాత బెల్లంకొండ సురేష్ సన్నాహాలు చేస్తున్నారట. రామ్ "కందిరీగ" చిత్రంలో కలర్స్ స్వాతి ఒక ప్రత్యేక పాత్రలో నటిస్తూందని తెలిసింది. అలాగే ప్రముఖ హీరోయిన్ శ్రియ శరణ్ ఈ రామ్ "కందిరీగ" చిత్రమలో ఒక ఐటమ్ సాంగ్ లో నటిస్తున్నట్లు కూడా తెలిసింది.