English | Telugu
ప్రభాస్ 'రాజాసాబ్' నుంచి బిగ్ సర్ప్రైజ్!
Updated : Jul 28, 2024
మరే స్టార్ హీరోకి సాధ్యంకాని విధంగా వరుస సినిమాలతో జెట్ స్పీడ్ లో దూసుకుపోతున్నాడు రెబల్ స్టార్ ప్రభాస్ (Prabhas). ఇటీవల 'కల్కి 2898 AD'తో మరో బ్లాక్ బస్టర్ ని ఖాతాలో వేసుకొని, ఫ్యాన్స్ కిక్ ఇచ్చాడు. ఆ కిక్ నుంచి ఫ్యాన్స్ బయటకు రాకముందే మరో సర్ ప్రైజ్ కి రెడీ అయ్యాడు.
ప్రభాస్ హీరోగా మారుతీ డైరెక్షన్ లో తెరకెక్కుతోన్న మూవీ 'రాజా సాబ్' (Raja Saab). పీపుల్ మీడియా ఫ్యాక్టరీ నిర్మిస్తున్న ఈ సినిమా.. ఇప్పటికే కొంతభాగం షూటింగ్ పూర్తి చేసుకుంది. 'కల్కి' తర్వాత ప్రభాస్ నుంచి రాబోతున్న సినిమా ఇదే. ఇప్పుడు ఈ మూవీ నుంచి బిగ్ అప్డేట్ వచ్చింది. రేపు(జూలై 29) సాయంత్రం 5:03 కి ఫ్యాన్ ఇండియా గ్లింప్స్ ను విడుదల చేస్తున్నట్లు మేకర్స్ ప్రకటించారు. ఈ సందర్భంగా విడుదల చేసిన పోస్టర్ లో ప్రభాస్ లుక్ ప్రత్యేక ఆకర్షణగా నిలిచింది. 'రాజా సాబ్'లో వింటేజ్ ప్రభాస్ ని చూడబోతున్నారని మూవీ టీం తెలిపింది.