English | Telugu
బెజవాడలో "బెజవాడ" కు థియేటర్ల కరువు
Updated : Nov 30, 2011
బెజవాడలో "బెజవాడ" కు థియేటర్ల కరువయ్యాయట. ఇది విచిత్రంగా ఉన్నా నిజం. నవయువ సామ్రాట్ అక్కినేని నాగచైతన్య హీరోగా నటిస్తూండగా, వివేక్ కృష్ణ దర్శకత్వంలో ప్రముఖ వివాదాస్పద దర్శక, నిర్మాత రామ్ గోపాల వర్మ నిర్మిస్తున్న చిత్రం "బెజవాడ". ఈ చిత్రానికి ముందుగా "బెజవాడ రౌడీలు" అని పేరు పెట్టి, ఆ పేరు ఎవరెంత మొత్తుకున్నా మార్చనన్న రామ్ గోపాల వర్మ తర్వాత మనసు మార్చుకుని దాన్ని "బెజవాడ" గా మార్చారు.
దీనితో పాటు బెజవాడలోని దేవినేని వర్గం, వంగవీటి వర్గాల మధ్య గతంలో రగిలిన కథే నేపథ్యంగా ఈ "బెజవాడ" చిత్రం నిర్మించారన్న ప్రచారం జరిగింది. దాంతో ఈ వర్గవైషమ్యాలకు తమ థియేటర్లు ఎక్కడ తగలడిపోతాయోనని థియేటర్ యజమానులు భయపడటంతో "బెజవాడ" సినిమా కేవలం నాలుగు థియేటర్లలో మాత్రమే విడుదలవుతుంది. లేకపోతే పన్నెండు నుండి పదిహేను థియేటర్లలో ఈ సినిమా అక్కడ విడుదల కావలసి ఉంది.