English | Telugu
వాయిదా పడనున్న అల్లు అర్జున్ "బద్రీనాథ్"
Updated : May 15, 2011
అల్లు అర్జున్ "బద్రీనాథ్" వాయిదా పడుతుందని ఫిలిం నగర్ వర్గాలంటున్నాయి. వివరాల్లోకి వెళితే గీతా ఆర్ట్స్ పతాకంపై, స్టైలిష్ స్టార్ అల్లు అర్జున్ హీరోగా, మిల్కీ వైట్ బ్యూటీ తమన్నా భాటియా హీరోయిన్ గా, డాడైనమిక్ డైరెక్టర్ వి.వి.వినాయక్ దర్శకత్వంలో, అత్యంత భారీ బడ్జెట్ తో, మెగా నిర్మాత అల్లు అరవింద్ నిర్మిస్తున్న విభిన్నకథా చిత్రం "బద్రీనాథ్". అల్లు అర్జున్ "బద్రీనాథ్" సినిమాని తెలుగు, తమిళ, మళయాళ భాషల్లో ఒకేసారి విడుదల చేస్తున్నారు. అంతే కాక తమిళం కోసం కొందరు తమిళ నటీనటులతో తమిళంలో రీషూట్ చేశారట. మళయాళంలోకి మామూలుగా అనువదిస్తున్నారు.
ఎందుకంటే మళయాళంలో అంటే కేరళలో అల్లు అర్జున్ కి యువహీరోగా మంచి ఫాలోయింగ్ ఉంది. అల్లు అర్జున్ హీరోగా నటించిన తెలుగు సినిమాలు గతంలో కేరళలో ఘనవిజయం సాధించాయి. ఈ రీషూట్ వల్ల, అనువాద కార్యక్రమాల వల్ల అల్లు అర్జున్ "బద్రీనాథ్" సినిమా అనివార్యంగా ఆలస్యమవుతుందట. ముందుగా అనుకున్న ప్రకారం జూన్ 3 వతేదీన అల్లు అర్జున్ "బద్రీనాథ్" మూవీ రిలీజ్ కావలసి ఉంది. కానీ ప్రస్తుత పరిస్థితులను చూస్తుంటే జూన్ 17 అంటే రెండు వారాల పాటు అల్లు అర్జున్ "బద్రీనాథ్" విడుదల వాయిదా పడేలా ఉంది.