కోలీవుడ్ స్టార్ తల అజిత్ కుమార్ వ‌రుస కమర్షియల్ ఎంటర్టైన్మెంట్ చిత్రాలను చేస్తున్నారు. యాక్ష‌న్ ఎంటర్టైన్మెంట్ చిత్రాల‌లోనే విభిన్న చిత్రాలను ఎంచుకుంటూ తనదైన దూకుడు చూపిస్తున్నారు. ఇటీవల తునివు అనే చిత్రం చేశారు. ఈ చిత్రం తెలుగులో ఆడకపోయినా తమిళనాడులో విపరీతమైన కలెక్షన్స్ రాబట్టింది. యావరేజ్ టాక్ తో కూడా ఓ రేంజిలో సక్సెస్ను సాధించింది. నిర్మాతలకు లాభాలను అందించింది. చాలా మంది ఈ చిత్రం బ్రేక్ ఈవెన్ సాధించ‌డ‌మే గొప్ప అన్నారు. కానీ ఈ చిత్రం బాక్సాఫీస్ వ‌ద్ద టాక్ తో సంబంధం లేకుండా అద్భుత‌మైన ఫ‌లితాన్ని రాబ‌ట్టింది. బ్రేక్ ఈవెన్ సాధించిన తర్వాత కూడా ఈ సినిమా కలెక్షన్ల జోరు తగ్గలేదు. సినిమా అతిగా ఉంది. ఎలివేషన్స్ ఓవర్ గా ఉన్నాయి, యాక్ష‌న్ సీన్స్ డోస్ పెరిగింది వంటి విభిన్న‌మైన నెగ‌టివ్ టాక్ వ‌చ్చింది. అయినా ఇవేమీ ఈ చిత్రానికి క‌లెక్ష‌న్ల ప‌రంగా ఏ మాత్రం ఇబ్బంది కలిగించలేకపోయాయి. దాంతో కోలీవుడ్ లో ఈ చిత్రం విజయవంతమైన చిత్రంగా నిలబడింది. అజిత్ కుమార్ దీని తరువాత నయనతార భర్త విగ్నేష్ శివ‌న్ దర్శకత్వంలో ఓ చిత్రం చేయనున్నారు.

ఇందులో ప్రతినాయకగా ఐశ్వర్యారాయ్ న‌టిస్తుండ‌గా హీరోయిన్ గా నయనతార నటిస్తోందని సమాచారం. మరో కీలకపాత్రను సాయి పల్లవి చేస్తున్నట్లు తెలుస్తోంది. దీని త‌ర్వాత అజిత్ ఆమధ్య త‌న‌తో వరుస బ్లాక్ బ‌స్ట‌ర్లు చిత్రాల‌ను తీసిన సినిమాటోగ్రాఫర్ శివ దర్శకత్వంలో ఓ చిత్రం చేయనున్నారు. వీరి కాంబినేషన్లో ఇప్పటివరకు వ‌చ్చిన చిత్రాలు క‌మ‌ర్షియ‌ల్‌గా మంచి విజ‌యాల‌ను న‌మోదు చేశాయి. అన్ని క‌మ‌ర్షియ‌ల్ గా బ్లాక్ బస్టర్ హిట్స్ అయ్యాయి. ప్రస్తుతం శివ సూర్యతో హిస్టారికల్ మూవీ చేస్తున్నారు. ఈ చిత్రం పూర్త‌యిన త‌ర్వాత అజిత్-సూర్య‌ల చిత్రం ఉండ‌నుంది. వీరిద్దరితో పాటు కమర్షియల్ స్టార్ డైరెక్టర్ అట్లీ దర్శకత్వంలో అజిత్ ఓ చిత్రం చేయనున్నారు. ప్రస్తుతం అట్లీ షారుఖ్ ఖాన్ తో జవాన్ చిత్రం చేస్తున్నారు. ఈ సినిమా విడుదలైన వెంటనే అట్లీ- అజిత్ కాంబినేష‌న్ లో ఓ చిత్రం మొద‌ల‌వుతుంది. ఇప్పటికే అట్లీ స్టోరీని అజిత్ చేత ఓకే చేయించుకున్నారు. అయితే ఈ ముగ్గురిలో ఎవరితో ముందుగా సినిమాలను స్టార్ట్ చేస్తాడు అనేది ఆయా దర్శకుల వెసులుబాటు..... అజిత్ నిర్ణయం మేరకు ఉంటాయి. మొత్తంగా ఈ మూడు చిత్రాలు పాన్ ఇండియా చిత్రాలుగా రూపొందుతుండడం విశేషం. మరి ఈ చిత్రాలతో అజిత్ ఎలాంటి సంచలనాలు సృష్టించనున్నాడో వేచి చూడాలి.