English | Telugu
అసెంబ్లీలో హిట్ పెయిర్
Updated : Jun 19, 2014
రోజా, బాలకృష్ణ వీరిద్దరూ అరడజను సినిమాల్లో హీరో హీరోయిన్లుగా కనిపించిన వీరు ఈ రోజు సరికొత్త రీతిలో కలుసుకున్నారు. సినీరంగంలో ఒక వెలుగు వెలిగిన తర్వాత రోజా రాజకీయ ప్రవేశం చేసింది. తెలుగు దేశం పార్టీ ద్వారా రాజకీయాలలోకి అడుగు పెట్టిన రోజా తెలుగు దేశం మహిళా అధ్యక్షురాలిగా పనిచేశారు. తెలుగు దేశం పార్టీ నుంచి రాజీనామా చేసి తర్వాత కాంగ్రెసు పార్టీలోకి, ఆ పార్టీ నుంచి కూడా రాజీనామ చేసి వైకాపా లో చేరిన సంగతి తెలిసిందే. గతంలో 2 సార్లు ఎన్నికలలో ఓడిపోయిన రోజా ఈ సారి ఎన్నికలలో తిరుపతి, చంద్రగిరి నియోజక వర్గం నుంచి విజయం సాధించారు.
ఇదిలా వుండగా బాలకృష్ణ తెదేపా నుంచి తొలిసారి ఎన్నికలలో పోటీ చేసి హిందూపురం నియోజక వర్గం నుంచి ఎన్నికయ్యారు. బాలకృష్ణ, రోజా ఇద్దరూ రాయలసీమ ప్రాంతం నుంచి విజయం సాధించడం మరొక విశేషం. గతంలో సినీ పరిశ్రమలో హీరోహీరోయిన్లుగా తారసపడిన వీరిద్దరూ ఇక నుంచి ఎమ్మెల్యేలుగా శాసనసభలో ఎదురుపడ్డారు. ఇంతకు ముందు ఎన్నో సినిమాలలో డ్యూయెట్లు పాడుతూ కనిపించిన ఈ తారలు, ఈ రోజు దైవసాక్షిగా అంటు ఆంధ్రశాసన సభలో ప్రమాణ స్వీకారం చేస్తూ టీవీల్లో కనిపించారు. సినిమాల్లో జంటగా కనిపించిన వీరు ఇప్పుడు ఉప్పునిప్పులా కస్సుబుస్సుమనే అధికార, ప్రతిపక్షాలకు చెందినవారు. ఇది అన్నిటి కంటే ఆసక్తికర విషయం.