రాజమౌళి దర్శకత్వంలో వరుణ్ తేజ్ హీరోగా నటించనున్నాడు. ఇంతకీ ఎవరీ వరుణ్ తేజ్...? ప్రముఖ నటుడు, నిర్మాత, మెగాస్టార్ మెగాబ్రదర్ అయిన కొణిదల నాగేంద్ర బాబు కుమారుడు ఈ వరుణ్ తేజ్. వరుణ్ తేజ్ హీరోగా నటించబోయే తొలి చిత్రానికి ఇంత వరకూ అపజయమెరుగని ప్రముఖ యువదర్శకుడు యస్ యస్ రాజమౌళి దర్శకత్వం వహించనున్నాడని విశ్వసనీయ వర్గాల ద్వారా అందిన సమాచారం.

 

ఈ విషయమై నాగేంద్ర బాబు స్వయంగా రాజమౌళితో మాట్లాడి తన కుమారుడు హీరోగా నటించబోయే తొలి చిత్రానికి రాజమావళిని దర్శకత్వం వహించవలసిందిగా కోరాడని ఫిలిం నగర్ వర్గాల ద్వారా సమాచారం. తన అన్నగారి కుమారుడు రామ్ చరణ్ తేజకు "మగధీర" వంటి ఆల్ టైమ్ హిట్టిచ్చిన రాజమౌళి దర్శకత్వం వహిస్తే, వరుణ్ తేజ్ హీరోగా రాణిస్తాడని నాగబాబు ఉద్దేశ్యంగా తెలుస్తోంది.

 

మెగా ఫ్యామిలీలో సహజంగా ఇలాంటి విషయాల్లో చక్రం తిప్పే అల్లు అరవింద్ ప్రమేయం లేకుండా నాగబాబే ఈ విషయాన్ని చూసుకోవటం, మెగా ఫ్యామిలీలో అల్లు అరవింద్ ప్రాభవం తగ్గిందనే అనుమానాలకు తావిస్తోంది.