"గబ్బర్ సింగ్"లో మలైకా అరోరా నటించనుందని విశ్వసనీయవర్గాలద్వారా అందిన సమాచారం. వివరాల్లోకి వెళితే పరమేశ్వర ఆర్ట్స్ పతాకంపై, పవర్ స్టార్‍ పవన్ కళ్యాణ్ హీరోగా, శృతిహాసన్ హీరోయిన్ గా, హరీష్ శంకర్ దర్శకత్వంలో, బండ్ల గణేష్ నిర్మిస్తున్న చిత్రం" గబ్బర్ సింగ్". ఈ "గబ్బర్ సింగ్" చిత్రానికి మాతృక సల్మాన్ ఖాన్ హీరోగా నటించగా, సూపర్ హిట్టయిన హిందీ చిత్రం "దబాంగ్". ఈ "దబాంగ్" చిత్రంలో "మున్నీ బద్నామ్ హోగయి డారిలింగ్ తేరేలియే" అన్న పాట సూపర్ డూపర్ హిట్టయ్యింది.

ఆ పాటలో నటించిన నటి మలైకా అరోరాని తెలుగులో "గబ్బర్ సింగ్" చిత్రంలో కూడా నటింపజేస్తున్నారని వినపడుతూంది. ఇదెంతవరకూ నిజమో కానీ అదే గనక జరిగితే ఈ"గబ్బర్ సింగ్" చిత్రానికి ఆ పాట కచ్చితంగా ప్లస్సవుతుందనటంలో సందేహం లేదు.