'టెంప‌ర్' నుంచి యంగ్ టైగ‌ర్ ఎన్టీఆర్ శైలి మారింది. క‌థ‌లు, పాత్ర‌ల ఎంపిక‌లో ఆచితూచి అడుగులు వేస్తున్నారీ నంద‌మూరి స్టార్. దానికి త‌గ్గ‌ట్టే వ‌రుస విజ‌యాల‌తో ముందుకు సాగుతున్నారు తార‌క్. ప్ర‌స్తుతం కొర‌టాల శివ ద‌ర్శ‌క‌త్వంలో 'దేవ‌ర' అనే పాన్ - ఇండియా ప్రాజెక్ట్ చేస్తున్న తార‌క్.. ఆపై బాలీవుడ్ మూవీ 'వార్ - 2'లో న‌టించ‌నున్నారు. ఈ చిత్రాల‌య్యాక 'కేజీఎఫ్' ఫేమ్ ప్ర‌శాంత్ నీల్ తో మ‌రో పాన్ - ఇండియా వెంచ‌ర్ చేయ‌నున్నారు ఎన్టీఆర్.

2024 వేస‌వి త‌రువాత ఈ సినిమా ప‌ట్టాలెక్కే అవ‌కాశ‌ముందంటున్నారు. ఈ లోపు 'స‌లార్ - 2' కూడా పూర్తిచేసే దిశ‌గా నీల్ ఉన్నార‌ని స‌మాచారం. ఇదిలా ఉంటే, ఎన్టీఆర్ - ప్ర‌శాంత్ నీల్ కాంబినేష‌న్ మూవీకి సంబంధించి ఓ ఆస‌క్తిక‌ర‌మైన విష‌యం వెలుగులోకి వ‌చ్చింది. అదేమిటంటే.. స్వాతంత్య్రం రాక‌ముందు భారత్ - పాకిస్తాన్ స‌రిహ‌ద్దుల్లో జ‌రిగిన పోరాటం ఆధారంగా ఈ సినిమా తెర‌కెక్క‌నుంద‌ట‌. అంతేకాదు.. ఇందులో వీర దేశ‌భ‌క్తుడిగా తార‌క్ పాత్ర ఉంటుంద‌ని బ‌జ్. మ‌రి.. ఇప్ప‌టివ‌ర‌కు మాఫియా నేప‌థ్యంతోనే ముందుకు సాగుతున్న నీల్.. బ్యాక్ డ్రాప్ ఛేంజ్ తో ఎలాంటి ఫ‌లితాన్ని అందుకుంటారో చూడాలి.