ఓటీటీలో నిర్వహిస్తున్న రియాలిటీ షోలలో నందమూరి బాలకృష్ణ ఆధ్వర్యంలో నడుస్తున్న ‘అన్‌స్టాపబుల్‌’ టాక్‌ షోకి చాలా మంచి పేరు వచ్చింది. ఇప్పటివరకు టాలీవుడ్‌ హీరోలతో షో నిర్వహించిన బాలకృష్ణ ఇప్పుడు బాలీవుడ్‌ స్టార్‌ హీరో రణబీర్‌ కపూర్‌తో ఈ షో చేయనున్నాడనే వార్తలు వస్తున్నాయి. ఈ షోలో రణబీర్‌ కపూర్‌తోపాటు డైరెక్టర్‌ సందీప్‌ వంగా కూడా పాల్గొంటాడని తెలుస్తోంది. ‘అర్జున్‌ రెడ్డి’తో టాలీవుడ్‌లో, ‘కబీర్‌సింగ్‌’తో బాలీవుడ్‌లో సంచలనం సృష్టించిన సందీప్‌ వంగా... ప్రస్తుతం రణబీర్‌ కపూర్‌, రష్మిక మందన్న జంటగా ‘యానియల్‌’ సినిమా తెరకెక్కిస్తున్నాడు. డిసెంబర్‌ 1న ఈ సినిమా దేశంలోని పలు భాషల్లో విడుదల కాబోతోంది. ఈ క్రమంలోనే ‘ఆహా’లో ‘అన్‌స్టాపబుల్‌ విత్‌ ఎన్‌బికె’లో ‘యానిమల్‌’ టీమ్‌ సందడి చేయబోతోందని సమాచారం. 

ఈ టాక్‌ షోను గత రెండు సీజన్లుగా ఎంతో నందమూరి బాలకృష్ణ ఎంతో చాకచక్యంగా నిర్వహిస్తున్నారు. మంచి టైమింగ్‌తో పంచ్‌లు వేయడమే కాకుండా, ముక్కుసూటిగా అడిగే ప్రశ్నలు, సెటైర్లు.. ఆడియన్స్‌ని బాగా ఎంటర్‌టైన్‌ చేస్తున్నాయి. ఈమధ్యే మూడో సీజన్‌ ప్రారంభం కాగా.. ఈ ఎపిసోడ్‌లో ‘భగవంత్‌ కేసరి’ టీమ్‌ ఎంతో హుషారుగా పార్టిసిపేట్‌ చేసింది. తాజా సమాచారం మేరకు ‘యానిమల్‌’ టీమ్‌ కూడా ఈ షోలో పాల్గొనే అవకాశం ఉందని సమాచారం.