బాలీవుడ్ లో స్టార్ హీరోయిన్ గా వెలుగొందుతున్న బ్రిటిష్ బ్యూటీ క‌త్రినా కైఫ్.. కెరీర్ ఆరంభంలో తెలుగు, మ‌ల‌యాళ భాష‌ల్లోనూ సంద‌డి చేసింది. క‌ట్ చేస్తే.. 15 ఏళ్ళ సుదీర్ఘ విరామం అనంత‌రం మ‌రో ద‌క్షిణాది భాష‌లో ప‌ల‌క‌రించ‌నుంది క‌త్రినా. `మ‌క్క‌ల్ సెల్వ‌న్` విజ‌య్ సేతుప‌తికి జంట‌గా క‌త్రినా న‌టిస్తున్న ఆ చిత్ర‌మే.. `మెర్రీ క్రిస్మ‌స్`.  `అంధాధున్` వంటి బ్లాక్ బ‌స్ట‌ర్ మూవీని అందించిన శ్రీ‌రామ్ రాఘ‌వ‌న్ ఈ సినిమాని రూపొందించ‌నున్నారు. ఓ షార్ట్ ఫిల్మ్ ఆధారంగా తెర‌కెక్క‌నున్న ఈ క్రేజీ ప్రాజెక్ట్ ని.. హిందీ, త‌మిళ భాష‌ల్లో బైలింగ్వ‌ల్ మూవీగా ప్లాన్ చేస్తున్న‌ట్లు స‌మాచారం.

ఇదిలా ఉంటే.. విజ‌య్, క‌త్రినా చిత్రాన్ని ఎలాంటి ఇంటర్వెల్ లేకుండా 90 నిమిషాల నిడివితో తీర్చిదిద్ద‌డానికి శ్రీ‌రామ్ రాఘ‌వ‌న్ స‌న్నాహాలు చేస్తున్నార‌ట‌. గ్రిప్పింగ్ స్క్రీన్ ప్లే తో న‌డిచే సినిమా కావ‌డంతో.. మేక‌ర్స్ `నో ఇంట్ర‌వెల్` ఐడియాని అప్ల‌య్ చేయ‌బోతున్న‌ట్లు టాక్. కాగా, ఏప్రిల్ లోనే సెట్స్ పైకి వెళ్ళాల్సిన ఈ కాన్సెప్ట్ ఓరియెంటెడ్ మూవీ క‌రోనా సెకండ్ వేవ్ ఉధృతి కార‌ణంగా వాయిదా ప‌డింది. ఈ క్ర‌మంలోనే.. జూన్ నుంచి చెన్నైలో మార‌థాన్ షెడ్యూల్ లో షూట్ చేయ‌డానికి యూనిట్ స‌న్నాహాలు చేస్తోంది. కొంత భాగం పుణె, గోవాలోనూ చిత్రీక‌రించ‌నున్నార‌ని స‌మాచారం.

మ‌రి..  విశ్రాంతి కార్డు లేకుండా రాబోతున్న `మెర్రీ క్రిస్మ‌స్`.. ప్రేక్ష‌కుల‌ను ఏ మేర‌కు ఎంగేజ్ చేస్తుందో చూడాలి.