ర్యాన్ రేనాల్డ్స్, శామ్యూల్ ఎల్. జాక్సన్, సల్మా హాయక్ ప్ర‌ధాన పాత్ర‌లు పోషించిన హైలీ యాంటిసిపేటెడ్‌ యాక్షన్-కామెడీ సీక్వెల్ ''హిట్‌మ్యాన్స్ వైఫ్స్ బాడీగార్డ్ ట్రైల‌ర్‌'ను నిర్మాణ సంస్థ ల‌య‌న్స్‌గేట్ విడుద‌ల చేసింది. ఒక అన్‌లైసెన్స్‌డ్ బాడీగార్డ్ మైఖేల్ బ్రైస్ (ర్యాన్‌), ఒక శాడిస్టిక్ హిట్‌మ్యాన్ డారియ‌స్ కిన్‌కైడ్ (జాక్స‌న్‌), ఆయ‌న భార్య ఇంట‌ర్నేష‌న్ కాన్ ఆర్టిస్ట్ సోనియా కిన్‌కైడ్ (స‌ల్మా) మ‌రోసారి మ‌న‌ల్ని ఊపిరి బిగ‌ప‌ట్టించే యాక్ష‌న్‌తో, క‌డుపుబ్బ న‌వ్వించే కామెడీతో అల‌రించ‌బోతున్నార‌ని ట్రైల‌ర్ చూస్తే అర్థ‌మ‌వుతోంది. కిన్‌కైడ్ జోడీ మ‌రోసారి త‌మ బాడీగార్డ్‌ మైఖేల్ జీవితాన్ని న‌ర‌కప్రాయం చేయ‌నున్నార‌ని తెలుస్తోంది. ఈ సీక్వెల్‌లో ఆంటోనియో బాండెరాస్‌, మోర్గాన్ ఫ్రీమ‌న్‌, ఫ్రాంక్ గ్రిల్లో లాంటి దిగ్గ‌జాలు కూడా క‌నిపించ‌నున్నారు. ఈ సీక్వెల్ జూన్ 16న థియేట‌ర్ల‌లో విడుద‌ల‌వుతుంద‌ని నిర్మాత‌లు ప్ర‌క‌టించారు.

'హిట్‌మ్యాన్స్ వైఫ్స్ బాడీగార్డ్‌'లో మ‌రో ప్రాణాంత‌క మిష‌న్‌పై బాడీగార్డ్ మైఖేల్ బ్రైస్‌, హిట్‌హ్యాన్ డారియ‌స్ కిన్‌కైడ్ తిరిగొస్తారు. హిట్‌మ్యాన్‌నూ, ఆయ‌న భార్య‌నూ కాపాడ్డానికి బాడీగార్డ్ ప‌డే క‌ష్టాలు, చేసే సాహ‌స కృత్యాలు ప్రేక్ష‌కుల్ని అల‌రించ‌డం ఖాయం. ట్రైల‌ర్ రిలీజ్ సంద‌ర్భంగా పోస్ట‌ర్‌ను షేర్ చేసిన మేక‌ర్స్‌, "The fate of Europe is in the hands of a sadistic hitman, an unlicensed bodyguard and a homicidal baby mama." అంటూ రాసుకొచ్చారు. సో.. ఈసారి మిష‌న్ యూరోప్‌లో ఉండ‌బోతోంద‌ని వారు చెప్పేశారు.

2017లో విడుద‌లై ప్ర‌పంచ‌వ్యాప‌తంగా 180 మిలియ‌న్ డాల‌ర్ల (రూ. 1320 కోట్ల‌)కు పైగా వ‌సూలుచేసిన‌ 'హిట్‌మ్యాన్స్ బాడీగార్డ్‌'లో నటించిన ర్యాన్ రేనాల్డ్స్‌, శామ్యూల్ ఎల్‌. జాక్స‌న్‌, స‌ల్మా హ‌య‌క్‌, రిచ‌ర్డ్ ఇ. గ్రాంట్ త‌మ పాత్ర‌ల‌ను ఈ సీక్వెల్‌లోనూ నిలుపుకోగా, మోర్గాన్ ఫ్రీమాన్‌, ఆంటోనియో బాండెరాస్‌, ఫ్రాంక్ గ్రిల్లో, క‌రోలిన్ గుడాల్‌, రెబెక్కా ఫ్రంట్‌, గాబ్రియెల్లా రైట్ లాంటి పేరుపొందిన న‌టులు ఈ సీక్వెల్‌లో అడుగుపెట్టారు.

ఒరిజిన‌ల్‌ను రూపొందించిన పాట్రిక్ హ్యూస్ ఈ సీక్వెల్‌నూ డైరెక్ట్ చేయ‌గా, టామ్ ఓకాన‌ర్‌, ఫిలిప్‌, బ్రాండ‌న్ మ‌ర్ఫీ స్క్రీన్‌ప్లే స‌మ‌కూర్చారు.