English | Telugu
బిగ్ బాస్ సీజన్ 5లోనూ మళ్లీ వాళ్లదే హవా!
Updated : Mar 9, 2021
బిగ్ బాస్ సీజన్ 4లో అత్యధిక శాతం అన్నోన్ ఫేసెస్ కనిపించాయి. ఇందులో మరీ ముఖ్యంగా యూట్యూబ్ స్టార్స్దే హవా కనిపించింది. యూట్యూబ్లోపాపులర్ అయిన వాళ్లనే ఎక్కువగా ఈ షోలో తీసుకున్నారు. గంగవ్వ, జోర్దార్ సుజాత, దేత్తడి హారిక, దిల్సే మెహబూబ్, అరియానా గ్లోరీ, దివి వడ్త్య, అఖిల్ సార్థక్ వంటి యూట్యూబ్ స్టార్స్ని ఎంపిక చేసిన విషయం తెలిసిందే.
బిగ్బాస్ సీజన్ 5కి కూడా యూట్యూబ్లో సంచలనం సృష్టిస్తున్న స్టార్స్నే ఈ దఫా కూడా ఎంపిక చేస్తున్నారు. త్వరలో ప్రారంభం కాబోతున్న సీజన్ 5 కోసం గత కొన్ని రోజులుగా కంటెస్టెంట్ల ఎంపిక జరుగుతోంది. కామన్మెన్లుగా ఎంట్రీ ఇచ్చి తమ వీడియోలతో సెలబ్రిటీలుగా మారిపోయిన వారిని ఈ దఫా కూడా బిగ్ బాస్ హౌస్లోకి తీసుకురాబోతున్నారు. అత్యధిక శాతం యూట్యూబ్ స్టార్స్తో ఈ సీజన్ని జాన్లో ప్రారంభించబోతున్నారు.
ప్రస్తుతం కంటెస్టెంట్లకు సంబంధించిన కసరత్తు జరుగుతోంది. ఇప్పటికే యూట్యూబర్ షణ్ముఖ్ జస్వంత్ పేరు దాదాపుగా ఖరారైపోయింది. 'ఇన్ఫినిటమ్ మీడియా' నుంచి మరో కంటెస్టెంట్ని ఎంపిక చేస్తున్నారట. 'ట్విన్స్', 'బబ్లూ వర్సెస్ సుబ్బులు' వంటి వెబ్ సిరీస్లతో పాపులర్ అయిన బబ్లూ మయా అలియాస్ చికెన్ బబ్లూ (సాయికుమార్ బబ్లూ) ఈ సారి హౌస్లోకి ఎంట్రీ ఇవ్వబోతున్నాడట. ఇక ఇదిలా వుంటే యాంకర్ రవి కూడా ఈ సారి ఖచ్చితంగా హౌస్లోకి ఎంట్రీ ఇచ్చే అవకాశాలే ఎక్కువగా కనిపిస్తున్నాయి. దీనికి సంబంధించిన ప్రకటన త్వరలో స్టార్ మా నుంచి వెలువడే అవకాశం వుంది.