English | Telugu
ఫొటో ఫీచర్.. కొత్తిల్లు కొన్న బిగ్ బాస్ బ్యూటీ!
Updated : May 3, 2021
'వరుడు' సినిమాలో క్యారెక్టర్ ఆర్టిస్ట్ గా నటించిన దీక్షా పంత్ ఆ తరువాత చాలా సినిమాల్లో అవకాశాలు దక్కించుకుంది. కానీ ఆమెకి సరైన గుర్తింపు మాత్రం రాలేదు. హీరోయిన్ గా కెరీర్ నిలబెట్టుకోవాలని చాలా ప్రయత్నించింది కానీ వర్కవుట్ కాలేదు. అదే సమయంలో ప్రముఖ రియాలిటీ షో బిగ్ బాస్ సీజన్ 1 లో కంటెస్టెంట్ గా పాల్గొని పాపులారిటీ తెచ్చుకుంది. హౌస్ నుండి బయటకొచ్చిన తరువాత ఆమెకి కొన్ని సినిమాల్లో నటించే అవకాశాలు వచ్చాయి.
కొన్ని ప్రైవేట్ ఆల్బమ్స్ లో కూడా కనిపించింది. సోషల్ మీడియాలో యాక్టివ్ గా ఉండే ఈ బ్యూటీ తాజాగా తనకు సంబంధించిన ఓ విషయాన్ని అభిమానులతో పంచుకుంది. ఇటీవలే తను కొత్త ఇల్లు కొన్నానని తెలిపింది.
అలానే గృహ ప్రవేశం చేసిన సమయంలో తీసిన ఫోటోలను కూడా తన ఇన్స్టాగ్రామ్ లో షేర్ చేసింది. అంతేకాకుండా గడిచిన కొన్ని సంవత్సరాల్లో తనకి తన కష్టంపై మరింత నమ్మకం ఏర్పడిందని చెప్పింది.
సొంతింటి కలను నిజం చేసుకోవడానికి చాలా కష్టపడ్డాను.. నా ఇల్లు నా ఫ్యామిలీని, మరింతగా నన్ను గర్వపడేలా చేసింది. హార్డ్వర్క్కు ఫలితం ఉంటుంది అని రాసుకొచ్చింది.
దీంతో అభిమానులు, స్నేహితులు ఆమెకి అభినందనలు తెలియజేస్తున్నారు. ప్రస్తుతం దీక్ష.. 'మాయామాల్', 'హార్మోన్స్', 'తొండి' వంటి చిత్రాల్లో హీరోయిన్ గా నటిస్తోంది. అలానే బాలీవుడ్ దర్శకుడు తెరకెక్కిస్తోన్న 'ఐయామ్' అనే సినిమాలో కూడా హీరోయిన్ గా నటించడానికి అంగీకరించింది.