'దేవతలారా దీవించండి', 'కోడళ్ళు మీకు జోహార్లు' వంటి సరికొత్త సీరియల్స్ తో ప్రేక్షకులకు రెట్టింపు వినోదాన్ని పంచుతున్న 'జీ తెలుగు', ఇప్పుడు 'ముక్కుపుడక' అనే మరో సీరియల్ తో తెలుగు ప్రజల ముందుకు రానుంది. ఒక సాంప్రదాయక కుటుంబ నేపథ్యంలో వస్తున్న ఈ సీరియల్ జూలై 11 నుండి ప్రతి సోమవారం నుండి శనివారం రాత్రి 8 గంటలకు ప్రసారం కానుంది. సాధారణంగా అత్తాకోడళ్ల ఆధిపత్యపోరాటం నేపథ్యంలో వచ్చే సీరియల్స్ కన్నా, 'ముక్కుపుడక' కాస్త భిన్నంగా ఉండబోతుంది. ఇక వివరాల్లోకి వెళితే, వేదవతి అనే ఒక స్త్రీ తనకు వారసురాలిగా అన్నపూర్ణ దేవి యొక్క ముక్కుపుడకని ధరించి, అమ్మవారిని కొలిచి, తన ఊరిని ఆ దేవి ఆగ్రహం నుండి కాపాడే ఒక అమ్మాయిని కోడలిగా తెచ్చుకోవాలనుకుంటుంది.

ఇందుకు గాను, ఆ అమ్మాయి జాతకం తన జాతకంతో కలవాల్సి ఉంటుంది. అయితే, తన జాతకం కలిగిన ఒక అమ్మాయిని చూసి తన చిన్న కొడుకైన శ్రీకర్ (రాకి గౌడ) కు ఇచ్చి పెళ్లి చేద్దామనుకున్నప్పటికీ, శ్రీకర్ అవని (ఐశ్వర్య పిస్సే) అనే ఒక టూరిస్ట్ గైడ్ గా పనిచేస్తున్న అమ్మాయిని ప్రేమిస్తాడు. మరి, అవని జాతకం వేదవతి జాతకంతో కలుస్తుందా? అవనిని వేదవతి తన కోడలిగా స్వీకరిస్తుందా? వేదవతి తరువాత అన్నపూర్ణ దేవిని కొలిచి తన ఊరిని అమ్మవారి ఆగ్రహం నుండి కాపాడేది ఎవరు? అసలు అమ్మవారి ఆగ్రహానికి కారణాలేంటి? ఇలా, బోలెడన్ని ప్రశ్నలతో, ఊహించని మలుపులతో ఈ సీరియల్ అందర్నీ టీవీలకు కట్టిపడేలా చేస్తుంది. జూలై 11 నుండి సోమవారం-శనివారం వరకు రాత్రి 8 గంటలకు కుటుంబ సమేతంగా ‘ముక్కుపుడక’ సీరియల్ ను వీక్షించండి.