స్టార్ మా టీవీలో ప్రసారమవుతున్న సీరియల్ 'పొదరిల్లు'(Podharillu). ఈ సీరియల్ శుక్రవారం నాటి ఎపిసోడ్ -40 లో..... మహాకి ఆకలిగా ఉందంటే చక్రి తనని తీసుకొని హోటల్ కి వెళ్తాడు. అక్కడ తనకి బాగా ఆకలిగా ఉందని ఎక్కువ ఫుడ్ చెప్తుంది. మహా వాళ్ళ నాన్నకి తనంటే ఎంత ఇష్టమో చెప్తుంది. పేరెంట్స్ లవ్ అనేది అన్ కండిషనల్ లవ్ అని చక్రి అంటాడు. అయినా మీరెందుకు నాకు ఇంత హెల్ప్ చేస్తున్నారు.. ఏ స్వార్థం లేకుండా అని మహా అనగానే నాకు స్వార్థం ఎందుకు లేదండి ఉంది కదా స్వార్థం అని చక్రి అనుకుంటాడు.

మరొకవైపు మహా రిసెప్షన్ చీరకి సంబంధించిన బ్లౌజ్ స్టిచ్ చేసి ఒకావిడ గాయత్రి దగ్గరికి తీసుకొని వచ్చి ఇస్తుంది. ఏంటే అది అని తాయారు అడుగుతుంది. ఏం లేదని టెన్షన్ పడుతుంది. మీ అన్నయ్య కోడలిది బ్లౌజ్ అని ఆవిడ చెప్పగానే నీకు ఎన్నిసార్లు చెప్పానే వాళ్ళింటికి వెళ్లొద్దని అంటూ బ్లౌజ్ కాల్చేస్తానంటూ తాయారు అంటుంది. తాయారుకి ఎదరుతిరిగి గాయత్రి బ్లౌజ్ తీసుకొని వెళ్తుంది. మరొకవైపు చక్రి, మహా ఇద్దరు స్టేషన్ కి బయల్దేరతారు. ఇద్దరు సరదాగా మాట్లాడుకుంటారు. మిమ్మల్ని చూసి ఫస్ట్ రౌడీ అనుకున్నానని మహా అనగానే ఈ మొహం చూస్తే అలా ఎలా అనిపించిందని చక్రి అంటాడు.

ఇద్దరు స్టేషన్ లోపలికి వెళ్తారు. ఇద్దరు ఎలా ఉన్నారు.. అమ్మాయి నిన్ను అతను ఇబ్బంది పెట్టడం లేదు కదా అని ఇన్‌స్పెక్టర్ మహాని అడుగుతాడు. లేదు సర్ నేనే వాళ్ళని ఇబ్బంది పెడుతున్నానని మహా చెప్తుంది. ఇక్కడ సంతకం పెట్టండి అని ఇన్‌స్పెక్టర్ అంటాడు. మహా ఇబ్బంది పడుతుంటే.. మీరు పెట్టండి అని చక్రి అంటాడు. ఇదిగోండి మ్యారేజ్ సర్టిఫికెట్ అని ఇన్‌స్పెక్టర్ అనగానే మహా షాక్ అవుతుంది. సర్టిఫికెట్ ఏంటని మహా అడుగుతుంది. దాంతో మీరు బయటకు వెళ్ళండి అని చక్రి మహాని పంపించి ఇన్‌స్పెక్టర్ వాళ్ళతో మాట్లాడతాడు. చక్రి బయటకు వస్తాడు. వాళ్ళకి తెలియదు కదండి నిజం పెళ్లి కాదని వాళ్ళు ఇచ్చినప్పుడు తీసుకొని వస్తే ప్రాబ్లమ్ ఏంటి అని చక్రి అంటాడు. తరువాయి భాగంలో మహాని తీసుకొని చక్రి ఇంటికి వస్తాడు. రోడ్డుపై వాళ్ళద్దరి రిసెప్షన్ ఫ్లెక్సీ చూసి మహా, చక్రి షాక్ అవుతారు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.