స్టార్ మా టీవీలో ప్రసారమవుతున్న సీరియల్ 'కార్తీక దీపం 2'(karthika Deepam2).ఈ సీరియల్ బుధవారం నాటి ఎపిసోడ్ -135 లో.... శౌర్య కోసం టాబ్లెట్స్ తీసుకొని వస్తుంది అనసూయ. ఈ టాబ్లెట్స్ చిన్న పిల్లల గుండె సమస్యలు ఉంటే వాడుతారని చెప్పారు. శౌర్యకి ఏం సమస్య ఉందని ఆలోచిస్తూ అనసూయ వస్తుంటే.. అప్పుడే నర్సింహా ఎదరుపడతాడు. నీ కోసమే వస్తున్నాను.. నువ్వే వస్తున్నావని నర్సింహా అంటాడు. మనం ఊరు వెళ్లి, ఇల్లు అమ్మాలి నీకు రెండు లక్షలు ఇస్తాను. మిగతా డబ్బులు ఆ శోభ మోహన కొడతానని నర్సింహా అనగానే.. అది దీప ఇల్లు దానికే హక్కు ఉంటుంది. దాని జోలికి రాకని నర్సింహాకీ అనసూయ వార్నింగ్ ఇస్తుంది.

అప్పుడే కార్తీక్ వచ్చి‌.మ నీకు సిగ్గు అనేదే లేదా అంటూ కోప్పడతాడు. మా మధ్య నువ్వేంటి అంటూ నర్సింహా అంటాడు. మీరు ఎవర్ని చూసుకొని ఇలా చేస్తున్నారో అర్థం అయింది. ఇల్లు ఎలా నా సొంతం చేసుకుంటానో చూడు అంటూ నరసింహా వెళ్ళిపోతాడు. ఈ టాబ్లెట్స్ తీసుకోవడానికి వెళ్ళారా అని కార్తీక్ అడుగుతాడు. ఈ టాబ్లెట్ ఎందుకు వాడుతారు బాబు నిజం చెప్పండి అని అనసూయ అడుగుతుంది. నరసింహకు భయపడి శౌర్య కళ్ళు తిరిగి పడిపోతే.. హాస్పిటల్ లో డాక్టర్ శౌర్య గుండె వీక్ ఉందని చెప్పారని అనగానే అనసూయ షాక్ అవుతుంది. దీనికి పరిష్కారం మందులు వాడడమేనని కార్తీక్ అంటాడు. మరొకవైపు స్వప్న, కాశీలు స్కూటీ పై సరదాగా వెళ్తుంటారు. మన విషయం మీ ఇంట్లో తెలిసింది కదా అని కాశీ అంటాడు. మా అమ్మకి తెలిసిందని స్వప్న అంటుంది. ఇక ఎప్పుడో మీ నాన్నకి కూడా తెలుస్తుందని కాశీ అంటాడు. అప్పుడే స్వప్న, కాశీలని శ్రీధర్ చూస్తాడు.

ఆ తర్వాత అనసూయని తీసుకొని కార్తీక్ ఇంటికి వస్తాడు. మీరు ఈ విషయం దీపకి చెప్పకండి.. శౌర్యని చూసుకునే బ్రతుకుతుందని కార్తీక్ అంటాడు. మీకు దీప ఏమవుతుందని ఇంత అభిమానం చూపిస్తున్నారని అనసూయ అడుగుతుంది. నాకు శౌర్యని చూస్తే ఏదో తెలియని హ్యాపీ.. తన కోసమే ఇదంతా.. తనకి ఎప్పుడు తోడుగా ఉంటానని కార్తీక్ అంటాడు. ఈ విషయం దీపకి చెప్పకండి అని కార్తీక్ అనగానే.. అప్పుడే దీప వచ్చి ఏ విషయమని అడుగుతుంది. దార్లో నరసింహ కలిసాడు.. ఇల్లు కావాలట అని చెప్తుంది. మీరు రేపు ఊరు వెళ్లి.. వెంటనే ఆ ఇల్లు దీప పేరున చెయ్యండి అని కార్తీక్ అనగానే.. అనసూయ సరే అంటుంది. ఆ తర్వాత శౌర్యతో కార్తీక్ సరదాగా మాట్లాడతాడు. అదంతా పై నుండి జ్యోత్స్న చూస్తుంటుంది.. సుమిత్ర దగ్గరికి కార్తీక్ వస్తాడు. మంచి సలహా ఇచ్చావ్ దీపకీ అని సుమిత్ర అంటుంది. అప్పుడే జ్యోత్స్న వచ్చి ఇండైరెక్ట్ గా దీప గురించి మాట్లాడుతుంది. ఆ తర్వాత రేపు త్వరగా రండి అని సుమిత్ర కార్తీక్ కి చెప్తుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.