ఫ్యామిలీ స్టార్ షో ఈ వారం ఫుల్ ఎంటర్టైన్ చేసింది. ఇక ఇందులో కండల వీరులే ఎక్కువగా కనిపించారు. బిగ్ బాస్ 7 కి వెళ్లి వచ్చిన గౌతమ్, యావర్, ఆదర్శ్, రమణ వంటి వాళ్ళు వచ్చారు అలాగే ఫుడ్ లవర్స్, ఫుడ్ వ్లాగర్స్ కూడా వచ్చారు..టేస్టీ తేజ, కుమారి ఆంటీ, పంచ్ ప్రసాద్ వంటి వాళ్ళు కూడా ఉన్నారు. ఐతే గౌతమ్ కృష్ణ తాను ఎందుకు అంత ఫిట్ గా ఉన్నదీ చెప్పుకొచ్చాడు. "నా కాలేజ్ ఏజ్ లో నేను 96 కేజీస్ ఉండేవాడిని. నా కాలేజ్ ఫస్ట్ ఇయర్ లో నాకు ఒక అమ్మాయి ఇష్టం ఉండేది. ఆమెకు ప్రపోజ్ చేద్దామనుకుని అనుకునేవాడిని కానీ కాన్ఫిడెన్స్ లేక నాలో నేను మధన పడి ఆగిపోయేవాడిని. అలా జరుగుతున్నా టైములో ఒక రోజు నా ఫ్రెండ్ నాకు ఒక విషయం చెప్పాడు.

నువ్వు ఆ అమ్మాయిని ఇష్టపడుతున్న విషయం ఆమెకు తెలిసిపోయింది అని. అప్పుడు నేను అడిగాను...ఏమంది మరి ఆ అమ్మాయి అని. ఆ లడ్డుగాడా అని నవ్విన్దిరా అన్నాడు. అప్పుడు నాకు ఫ్రస్ట్రేషన్ వచ్చేసింది. నన్ను నేను చూసుకున్నా చాలా వెయిట్ ఉన్నా, అంత ఫాట్ ని మోస్తున్నా అని చెప్పేసి వెంటనే వెళ్లి జిమ్ లో జాయిన్ ఇపోయా. అలా ఒక మూడు నాలుగు నెలలు ప్రోపర్ డైట్ తో ఆల్మోస్ట్ 30 కిలోలు తగ్గిపోయా. ఇక కాలేజ్ సెకండ్ ఇయర్ లో ఆ అమ్మాయిని డేట్ కూడా చేశా." అని చెప్పాడు గౌతమ్. ఇక అష్షు రెడ్డి మరి ఇప్పుడు ఆ అమ్మాయి ఎక్కడుంది అని అడిగింది "ఇప్పుడు ఆ అమ్మాయి లేదు. ఇద్దరికీ సెట్ కాక బ్రేకప్ ఐపోయింది" అని చెప్పాడు. ఇక గౌతమ్ కృష్ణ సోలోబోయ్ మూవీ తో ఆడియన్స్ ముందుకు వచ్చాడు. గౌతమ్ బిగ్ బాస్ సీజన్ 8 లో రన్నరప్ గా నిలిచాడు. ఈ మూవీ మిక్స్డ్ టాక్ ని సొంతం చేసుకుంది.